Sunnhordland

Fredag kveld vart tonen sett. Astrid Kloster, kjent som vokalist i Aftenlandet, entra scenen med band i Melkevik for å framføra hyllingskonserten "Spor". Ei musikalsk reise gjennom musikken til Kenneth Sivertsen.

Folk kom i strie straumar for å lytta, minnast. Det musikalske uttrykket og stemninga i tolkinga frå Kloster og bandet, skapte nok mange kjensler hos publikum. Konserten gav også bod om plata som kjem i oktober. Tittelen "Spor" viser til låten med ny tekst frå Solfrid Sivertsen. Ei helsing frå søster til bror.

– Ei spesiell oppleving å vera her, lytta til musikken. Eg var også spent på framføringa av den nye teksten. Det var vakkert, sa Solfrid Sivertsen til Sunnhordland etterpå.
Etter midnatt, kvart på eitt på natta, entra Møllo Blues Band scenen. No var alle klare for å minnast tidlegare tider. Energien var stor også i 2007, sjølv om vokalist Sigurd Sele høgt og tydeleg understreka kor mykje betre form han var i for ti år sidan.

Festivalen denne helga er den sjuande i rekkja frå den musikkglade dugnadsgjengen med Geir Ersland i brodden. No er han svært nøgd. Ny publikumsrekord vart sett. 1572 publikummarar var til stades. Meir enn 750 menneske var innom fredag kveld.
– Festivalen var ein suksess. Nær perfekt, meiner han. No er grunnlaget lagt for vidare festivalar, seier han.
– Me satsar så lenge folk vil ha oss og så lenge det er greitt for naboane.

Mange gleda seg til første dag av Melkevikfestivalen, for då skulle sagnomsuste Møllo Blues Band på scenen for første gong på 15 år. Sigurd Sele og dei andre i bandet gav alt, og fekk spontan tilbakemelding frå publikum.

Desse to jentene var av dei yngste i festivalpublikummet under Melkevikfestivalen denne helga.

Astrid Kloster har ei vakker røyst, og formidla fint dei vare stemningane i songane Kenneth Sivertsen komponerte.

Erik Moll er ein solid songar og dyktig låtskrivar. Han leverte ein sterk konsert under Melkevikfestivalen.

Astrid Kloster med band framførte musikk frå Kenneth Sivertsen på Melkevikfestivalen 2007. Kloster kjem med hyllingsplate i haust.

Solfrid Sivertsen (framme) og fleire andre av syskena til Kenneth Sivertsen fekk med seg hyllingskonserten frå Astrid Kloster. - Ei fin og spesiell oppleving for oss, sa forfattaren om konserten.

Nils-Tore Sele

Jan Ingvar Toft heldt ein god konsert frå den vesle scenen under Melkevikfestivalen. Folk sat som sild i tønne for å få med seg den intense framføringa frå den første Vamp-vokalisten.

Relaterte artiklar

Sunnhordland.no on Facebook

Postadresse:
Boks 100, 5401 Stord

Hovudkontor:
Borggata 15, Stord

Ansvarleg redaktør:
Magne Kydland

Sunnhordland arbeider etter Redaktørplakaten, Ver Varsam-plakaten og Tekstreklameplakaten sine retningslinjer for god presseskikk.

Papirutgåva i dag

Siste blogg

Papirutgåva
i dag