Sunnhordland

(Foto: Arkiv)

(Foto: Arkiv)

Ministeren vil evaluera Fjord1

Det kjem fram i eit brev ho har sendt til stortingsrepresentant Ingebrigt Sørfonn

Brevet er eit svar på nokre spørsmål som Sørfonn sende samferdsleminister Liv Signe Navarsete i samband med ferjene over Bjørnefjorden. Bakgrunnen for brevet er at han, og fleire med han, er frustrerte over gassferjene som er sette inn i drifta. Punkta han peikar på i brevet er dårleg regularitet, dårleg korrespondanse både med Kystbuss og med fly til og frå Flesland. - Me såg for oss ei heilt ny tid. Difor vart nedturen så stor for mange, seier Ingebrigt Sørfonn til Sunnhordland. Fjord1 sjølv avviste all kritikk, men no har samferdsleministeren altså sagt at drifta skal evaluerast.
- Etter som operatøren haustar erfaring med dei nye ferjene, ventar eg at dei i enda større grad vil følgje ruteplanen. Statens vegvesen som oppdragsgjevar vil evaluere dette første driftsåret i 2008, og følgje opp operatøren tettare i 2008, skriv Navarsete i brevet til Sørfonn. Sørfonn er nøgd med svaret han har fått.
 
Positivt for Sunnhordland
- Dette oppfattar eg som positivt for oss, for det har ikkje vore godt nok slik som det har vore. Eg har sjølv fått så mykje tilbakemeldingar frå folk som ikkje er nøgde, så dette må verta betre, seier han.
Elles i brevet frå ministeren står det at i kontrakten er det nemnt at om c-ferja er ute av drift, så skal ei reserveferje setjast inn når trafikkavviklinga seier det. Problemet er berre at det ikkje finst ferjer som går fort nok til å halda rutetidene. Men, vert det peika på i brevet, med berre to ferjer i drift no, er kapasiteten like stor som når det var fire ferjer der tidlegare. Det vert og vist til statistikk som seier at ikkje meir enn 0,09 prosent av frakta personbileiningar, noko som svarar til 1044 pbe, har stått igjen på kaien. Noko som er ein særs låg prosentdel. Det vert og peika på at rutetidene er endra på fleire gonger, mellom anna for at reisande frå Stord skal rekkja tidlegflya til Møre. Navarsete innrømmer og at det har vore problem med tilpassinga til korresponderande bussar ved overgang frå tre til fire ferjer.






Siste saker frå Sunnhordland.no

Hillestad seinka Fana og sendte Stord vidare i cupen

Hillestad seinka Fana og sendte Stord vidare i cupen

Etter ein tarveleg start på Nesttun reiste Stord seg og køyrde til tider over Fana. No ynskjer Morten Hillestad seg Brann som motstandar i neste runde.

Full siger for ungdomsrådet

Full siger for ungdomsrådet

Tiandeklassingane Arja Myhre og Anna Sofie Ekeland Valvatne fekk politiske ringrevar til å snu i spørsmålet om reservasjonsrett.


Hund beit gut

Hund beit gut

Hund i band beit gut ved idrettsplassen på Nysæter. Politiet ber hundeeigarar kjenna sine plikter.

Simulerte skrekkscenario

Simulerte skrekkscenario

Her krasjar bilen i 80 km/t. Sjå video frå Trafikkdagen på Stord vidaregåande.


Demonstrerte mot barne­hagekutt

Demonstrerte mot barne­hagekutt

Fleire titals foreldre og barn møtte fram på rådhustrappa for å seia nei til barnehagekutt.

MC-førar sendt til sjukehus

MC-førar sendt til sjukehus

Ein motorsykkel skal ha kollidert med bil. Kvinneleg førar er sendt til sjukehus.