- Me ynskjer å vera samfunnsbyggjarar på vår måte, og har det difor nedfelt i sparebanklova at me kan gje inntil 25 % av overskotet vårt til gode formål, fortel Gunnar Bjørk I Sparebanken Vest på Stord. Saman med Ingrid Vestbøstad, avdelingsbanksjef på Fitjar hadde han gleda av å overrekka summen ein strålande dag sist veke.  
- Eg trur faktisk at nokre av dei tiltaka vi støttar, ikkje ville stått seg utan desse gåvene, seier Bjørk, som legg til at Sparebanken Vest tek ut heile fjerdedelen.
 
- Det er kjekt at nokon ser at me er her og eksisterer. Det kan av og til kjennast litt einsamt her ute på øya, sa Einar Matre då han på vegner av Smedholmen tok imot den store pengegåva. Han fortel at dei tidlegare i vår vurderte å ta opp eit nytt lån for å koma i hamn økonomisk, difor var desse midlane svært kjærkomne.
 
- No kan me koma oss gjennom enno ein vår, sa ein letta skipper og primus motor. Ved sida si hadde han sin trugne kompanjong og medansvarleg gjen-nom dei to-tre siste tiåra, Terje Skorpen. "Seladon" har i år også fått ein tredje mann som fast mannskap, Erik Lied.
 
Matre håpar på at Smedholmen og "Seladon" får ein hovudsponsor som kan gjera det meir leveleg for dei å driva verksemda, men er sjølvsagt svært takksam for den generøse gåva.
 
Sparebanken Vest delte i 2007 ut gåver i Sunnhordland og på Haugalandet for til saman 3,3 millionar kroner.
 
I juli reiser "Seladon" på sommartokt langs vestlandskysten og kjem til Måløy midt under Tall Ship's Race. Då har seglkuttaren hatt mange stopp undervegs, m.a. anna for å ta fjellturar og vitja interessante attraksjonar. Selja Kloster er ein av desse stadene.
 
Les meir om dette i papiravisa tysdag.