Sunnhordland

Festivalen, som går av stabelen på Os 25. - 28. juni, har valt å miksa musikk og god mat. Dette er nytt i år, fortel Gunnar Nagell Dahl, matnestor og primus motor for festivalen gjennom fleire år.
Frå Skeie-kjøkenet, som no vert kalla Mobilt Snadder og vert drive av stordabu Per Ivar Ingebrigtsen og kokken Beate Hannisdal, vil det bli servert kortreist mat. Bilen blir parkert i sentrum av Os, der det også vil bli sett opp eit restauranttelt med plass til 100 menneske.
Grilla makrell og laks, kalkunsuppe, dampa blåskjell, fiskegryte og sandwichar med diverse snadder er litt av det som vil bli servert frå rullekjøkenet - levert av lokale produsentar - med Hannisdal som kokk. Ho er kokkelærar ved Kvinnherad vidaregåande skule på Husnes når ho ikkje fartar rundt i rullekjøkenet.
Stordabu og festivalsjef Gunnar Nagell Dahl vil lesarane våre hugsa frå eit intervju me hadde på trykk 6. mars. Han bur på Os og kan lokka med artistar som Vamp, ORBO & The Longshots, Reidar Larsen og The Storytellers og mange fleire spennande artistar.
– Samstundes er det Kultursymposium. Dette startar 21. juni og varar i 14 dagar, fortel Nagell Dahl, som lovar liv og røre på Os desse dagane. Han er godt nøgd med billettsalet så langt. Det er lagt ut 5.000 billettar til dei ulike arrangementa.
Fredagskvelden er det framleis litt ledig kapasitet, tipsar han oss.

Det er dette rullande kjøkenet som skal syta for god lukt og smak under festivalen, som Geir Skeie (biletet) og teamet hans brukte som treningskjøken i Lyon. ARKIVFOTO: PAAL- ANDRE SCHWITAL.

Gunnar Nagell Dahl, stordabu, kokk, matattache hos Fylkesmannen og festivalsjef . ARKIVFOTO

Relaterte artiklar

Sunnhordland.no on Facebook

Postadresse:
Boks 100, 5401 Stord

Hovudkontor:
Borggata 15, Stord

Ansvarleg redaktør:
Magne Kydland

Sunnhordland arbeider etter Redaktørplakaten, Ver Varsam-plakaten og Tekstreklameplakaten sine retningslinjer for god presseskikk.

Papirutgåva i dag

Barnehagefarse

Siste blogg

Papirutgåva
i dag