Sunnhordland

Platting og skur, eller hytte. Tingretten kalla det eit anlegg. Bergens Tidende kalla det kamuflasjehytta. Forsvararen kallar det lagringsplass. ARKIVFOTO: PER EGIL LARSEN.

Dømt til å fjerna det meste

Grunneigaren på Teistholmen ankar dommen.

Relaterte artiklar

[ Publisert: 03.11.09 kl. 07:00 ]
[ Oppdatert: 03.11.09 kl. 12:17 ]

Fredag fall første dommen etter Operasjon strandsone i Fitjarøyane. Grunneigar til tre mål av Teistholmen er dømt til 80.000 kroner i bot for bruk av ulovlege bygg, og 18.000 i erstatning til Fitjar kommune for sakshandsaming. Han er òg dømt til tilbakeføring av anlegget som er bygt på holmen. Det vil seia at han må riva det, og fjerna materialar av skur, utedo og terrasse. I tillegg kjem 5.000 kroner å betala i sakskostnader til retten. Men kai og flytebryggje får stå enno ei stund.

Ville fått nei

Tingretten er samd med ordførar Harald Rydland som i vitnestolen forklarte at grunn-eigaren ikkje ville fått godkjent anlegget som er laga til på Teistholmen. Tingretten meinte sakshandsaminga til kommunen var tilstrekkeleg, og kunne ikkje sjå at det på nokon måte ville verta gjeve samtykke til bygging av eit slikt anlegg på del av Teistholmen i Fitjarøyane.

Kanskje kai

Når det gjeld kaianlegget, var tingretten meir på glid. Her viste retten til at grunneigar hadde drive med østers ut frå denne kaien, og ut frå flytebryggja som er festa i kaien. Retten fann grunnlag for meir grundig handsaming av Bygningsrådet. Næringsverksemd kan gje grunnlag for dispensasjon frå byggjeforbod i strandsona dersom han søkjer. Difor får kaien og flytebryggja stå i denne omgang.

Ankar dommen

Den 56 år gamle grunneigaren frå Fitjar har alt bestemt seg for å anka saka. Advokaten hans, Frode Skogvold, gir opp to grunnar til det.

– Først på grunn av sakshandsaminga frå kommunen si side, seier Skogvold. Han viser då til at kommunen ikkje har gjort vedtak om å påleggja grunneigar å fjerna anlegget på eigedommen hans. Skogvold viser til økokrim og meiner det ikkje er rett måte å gjera dette på, ved å ta saka til retten før slikt pålegg vert gjeve.

– Den andre grunnen er at dersom kai og flytebryggje kan stå, så kan skuret stå òg, seier Skogvold. Han viser til at dette er lagerplass for utstyr til bruk i næringa.

– Skal han driva med østers og ha blåser, tau og anna liggjande på kaien, så bles det vekk, sluttar Skogvold.

Men kaianlegget får stå inntil vidare, i fall grunneigar vil søkja dispensasjon for å driva med østers. ARKIVFOTO: PER EGIL LARSEN.

Del på facebook Tips ein venn Skriv ut m/bilete Skriv ut u/bilete

<a href="http://shads.no.publicus.com/apps/pbcsad.dll/adlink?Spot=panorama1,NYHENDE&Req=60023029996477591" target="_top"><img src="http://shads.no.publicus.com/apps/pbcsad.dll/adimage?Spot=panorama1,NYHENDE&Req=60023029996477591" border="0" height="60" width="468" alt=""></a>

<a href="http://shads.no.publicus.com/apps/pbcsad.dll/adlink?Spot=topptarn,NYHENDE&Req=60023029996477591" target="_new"><img src="http://shads.no.publicus.com/apps/pbcsad.dll/adimage?Spot=topptarn,NYHENDE&Req=60023029996477591" border="0" height="300" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn1,NYHENDE&Req=60023029996477591" target="_new"><img src="http://shads.no.publicus.com/apps/pbcsad.dll/adimage?Spot=tarn1,NYHENDE&Req=60023029996477591" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn2,NYHENDE&Req=60023029996477591" target="_new"><img src="http://shads.no.publicus.com/apps/pbcsad.dll/adimage?Spot=tarn2,NYHENDE&Req=60023029996477591" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn3,NYHENDE&Req=60023029996477591" target="_new"><img src="http://shads.no.publicus.com/apps/pbcsad.dll/adimage?Spot=tarn3,NYHENDE&Req=60023029996477591" border="0" height="510" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn4,NYHENDE&Req=60023029996477591" target="_new"><img src="http://shads.no.publicus.com/apps/pbcsad.dll/adimage?Spot=tarn4,NYHENDE&Req=60023029996477591" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn5,NYHENDE&Req=60023029996477591" target="_new"><img src="http://shads.no.publicus.com/apps/pbcsad.dll/adimage?Spot=tarn5,NYHENDE&Req=60023029996477591" border="0" height="500" width="180" alt=""></a>

© 2006 Sunnhordland
Sentralbord: 53 45 00 00 Postadresse:
Boks 100, 5401 Stord

Hovudkontor:
Borggata 15, Stord Ansvarleg redaktør:
Magne Kydland

Sunnhordland arbeider etter Redaktørplakaten, Ver Varsam-plakaten og Tekstreklameplakaten sine retningslinjer for god presseskikk.

Papirutgåva i dag

Siste blogg

Papirutgåva
i dag