Sunnhordland

Torsdag føre-middag fekk alle borna i 4. - 5. klasse frå Sælevik og Øvrebygda skular møta forfattaren Frode Grytten. Han tok i mot dei 27 borna i lun, heimsleg tone.

– Hei, eg heiter Frode, og når ein heiter Frode, då må ein verta forfattar. Slik var det med meg.

«Hull & Sønn»

Då forfattaren byrja lesa, humra dei vaksne godt, medan borna kika undrande på forfattaren. Han las frå barneboka si «Hull & Sønn». Fabrikken som laga hol til eit kvart høve. Støypte og herda, og sende ut i verda.

– Det var ein farleg arbeidsplass. Berre direktøren og arbeidarane kunne gå inn i fabrikken, las Grytten. Ein gong ein mann mista eit hol, fekk han holet i handa. Sidan kunne han ikkje vera julenisse, for alle kjende han att.

Full stogg

Borna sat stille medan soga om holfabrikken vart dramatisk. Det kom ein ny direktør som fann ut at arbeidarane laga null og niks. Det var ikkje naud-synt. Neste dag stod fabrikken stille. Så gjekk tida, og verda byrja gå tom for hol. Det var ikkje hol nokon stad.

– Kleda sklei av kroppane til folk, for det var ikkje hol til knappane, las Grytten. Det vart demonstrasjonar, men ingenting skjedde før statsministeren fekk servert sveit-serost utan hol.

– Me har ikkje eit hol å mista, sa ho, og Frode Gryt-ten kunne lesa den lukkelege slutten der alle hola kom i produksjon att. Tannlegane jubla for det.

Arbeidaren som laga det første prøveholet slo fast at dersom det ikkje finst noko som er ingenting, så finst det ingenting.

I bassenget

Den andre boka Grytten las for borna i går, var «Gabba Gabba Hey».

Denne boka fekk Frode Grytten ideen til i folkebadet i Odda. Grytten såg ein far som herja med sonen sin i eit oppblåsbart hjul. Faren skauv fram og tilbake, og hadde det veldig artig.

– Men så såg eg guten sitt ansikt gjennom ringen. Han var livredd, minnest Grytten.

Det gjer at mange kjenner seg att i Frode Grytten si siste barnebok. Den handlar om utagerande vaksne som ikkje tek omsyn til borna sine kjensler. Dei finst det jo nokre av.

Del på facebook Tips ein venn Skriv ut m/bilete Skriv ut u/bilete

<a href="http://shads.no.publicus.com/apps/pbcsad.dll/adlink?Spot=topptarn,KULTUR&Req=60053032666781156" target="_new"><img src="http://shads.no.publicus.com/apps/pbcsad.dll/adimage?Spot=topptarn,KULTUR&Req=60053032666781156" border="0" height="300" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn1,KULTUR&Req=60053032666781156" target="_new"><img src="http://shads.no.publicus.com/apps/pbcsad.dll/adimage?Spot=tarn1,KULTUR&Req=60053032666781156" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn2,KULTUR&Req=60053032666781156" target="_new"><img src="http://shads.no.publicus.com/apps/pbcsad.dll/adimage?Spot=tarn2,KULTUR&Req=60053032666781156" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn3,KULTUR&Req=60053032666781156" target="_new"><img src="http://shads.no.publicus.com/apps/pbcsad.dll/adimage?Spot=tarn3,KULTUR&Req=60053032666781156" border="0" height="510" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn4,KULTUR&Req=60053032666781156" target="_new"><img src="http://shads.no.publicus.com/apps/pbcsad.dll/adimage?Spot=tarn4,KULTUR&Req=60053032666781156" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn5,KULTUR&Req=60053032666781156" target="_new"><img src="http://shads.no.publicus.com/apps/pbcsad.dll/adimage?Spot=tarn5,KULTUR&Req=60053032666781156" border="0" height="500" width="180" alt=""></a>

© 2006 Sunnhordland
Sentralbord: 53 45 00 00 Postadresse:
Boks 100, 5401 Stord

Hovudkontor:
Borggata 15, Stord Ansvarleg redaktør:
Magne Kydland

Sunnhordland arbeider etter Redaktørplakaten, Ver Varsam-plakaten og Tekstreklameplakaten sine retningslinjer for god presseskikk.

Papirutgåva i dag

Siste blogg

Papirutgåva
i dag