Sunnhordland

Lasse Lundin og 21 vener frå Oslo hadde sin tredje juletur til Stord på konsert med Storm Weather Shanty Choir.
– Me reiste med tog til Stavanger og båt vidare til Stord. No skal eg oppleva sjantikoret for tiande gong, fortel Lundin like før heltane hans trampar opp på scenen.
Gjengen frå hovudstaden hadde sitt første møte med stordabuane då dei booka sjantikoret til Fantasifestivalen, deira eigen festival i Kristiansand, for tre år sidan.
– Etter det har me fylgt etter koret rundt omkring, og no er det jo blitt ein tradisjon å reisa til Stord før jul. Det blir fleire som tek følgje vestover kvart år, smiler Lundin.
«Sally Brown» og «Press Gang» er favorittsjantiane hans. Og om han skal trekkja fram det beste albumet, må det bli eit av dei første.
– Det er innlevingane på konsertane og måten dei får med seg publikum på som fengjer oss. Eg synest koret har utvikla seg veldig bra som liveband. Dei vel ut dei songane som fungerer best og så er dei folkelege og spøkar seg i mellom, fortel sjantientusiasten som tok med seg heile oslogjengen til Børtveit camping etter konserten.
Sjantikoret har også ein god fanskare på Utsira. Desse var venta til Stord laurdag, men måtte melda avbod grunna dårleg vêr.

Sigurd Øien og Lasse Lundin kunne feira sin tiande konsert med Storm Weather Shanty Choir på Arena laurdag kveld. Duoen tok turen heilt frå Oslo saman med 20 vener.

Relaterte artiklar

Sunnhordland.no on Facebook

Postadresse:
Boks 100, 5401 Stord

Hovudkontor:
Borggata 15, Stord

Ansvarleg redaktør:
Magne Kydland

Sunnhordland arbeider etter Redaktørplakaten, Ver Varsam-plakaten og Tekstreklameplakaten sine retningslinjer for god presseskikk.

Papirutgåva i dag

Siste blogg

Papirutgåva
i dag