Gå til artikkelen

Hundre år med skipsfart

Publisert 11.02.2010 kl. 07.00.

12. FEBRUAR i år er det på dagen 100 år sidan Haugesund Rederiforening vart skipa. Jubileumsåret skal mellom anna høgtidast med ei stor utstilling i Karmsund Folkemuseum. Utstillinga er laga i samarbeid med folkemuseet, og syner korleis den lokale skipsfarten har utvikla seg dei siste hundre åra.

STATISTIKKEN
over skip i ordre for medlemsreiarlaga i Haugesund Rederiforening, og den innmeldte flåten i foreningen, syner at det har vore stor byggjeaktivitet dei siste åra. Som ein følgje av byggjeaktiviteten har den innmeldte flåten i 2009 vakse til 158 skip. Desse måler samla nær 3,5 millionar dødvekttonn, eller kring 2,4 millionar bruttotonn, og har ein samla verdi på 35,5 millardar kroner. Dette tyder at Haugesund Rederiforening går inn i jubileumsåret med ein større flåte enn nokon gong før.

SJØLV OM
reiarane er medlemer i Haugesund Rederiforening, og båtane registrert i Haugesund (eller utlandet), er det ikkje alle som har kontora sine i Haugesund. Fleire av medlemsreiarlaga har tilknyting til opplandet kring Haugesund, også lokale større og mindre reiarlag i Sunnordland. Det som likevel er viktig er at den maritime verksemda knytt til reiarlaga også har vore viktig for regionen, noko som speglar seg av i aktiviteten i Maritimt forum for Haugalandet og Sunnhordland.

TAL SOM
ligg føre syner at maritim verksemd, inklusive aktiviteten i reiarlaga, er særs viktig for regionen. Omsetninga knytt til denne aktiviteten er ein bærebjelke i næringslivet i Sunnhordland og på Haugalandet. Og sjølv om medlemsreiarlaga i Haugesund Rederiforening fekk merka finanskrisa i 2009, er det grunn til å tru at det utetter i jubileumsåret vil letta noko for dei sjøfarande, sjølv om den maritime næringa på land kan gå ei vanskeleg tid i møte.

HAUGESUND
Rederiforening har bygd seg opp gjennom 100 år, og er i dag ein sterk organisasjon. Me ynskjer jubilanten til lukke med jubileet, og reknar med framleis vekst og fornying.

Nett-TV

Kom i julestemning med politikarane

Kom i julestemning med politikarane

Husplanar møter sterk motbør

Husplanar møter sterk motbør

Difor vil ho ha park på kaien

Difor vil ho ha park på kaien

På jakt etter kjelda til røyken

På jakt etter kjelda til røyken

Siste saker Gå til framsida

Melder ikkje frå om lovbrot

Berre halvparten av dei som har vore utsett for kriminalitet i vårt distrikt seier dei har meldt forholdet til politiet.