Sunnhordland

Lærar Knut Arve Nordfonn (t.v.), pedagosgisk leiar i Microsoft, Jan Helge Luth og Anders Grov Nilsen som underviser i IKT på HSH var innom 10. klasse for å fortelja om Berlin-turen i går. FOTO: PER EGIL LARSEN

Nysæter-lærarar på europatoppen

Som den einaste læraren frå Noreg skal Knut Arve Nordfonn frå Nysæter ungdomsskule presentera det databaserte undervisningsopplegget sitt om Klimamysteriet på ein europeisk konferanse i Berlin om to veker.

Relaterte artiklar

Fleire får studieplass ved HSH

[ Publisert: 05.03.10 kl. 07:00 ]

– Eg gler meg, og det er utruleg kjekt å verta sett pris på på denne måten, seier Knut Arve Nordfonn.

I går vart det kjent at arbeidet hans med eit databasert undervisningsopplegg om klima og miljø, er plukka ut som det einaste prosjektet til å representera Noreg på ein stor europeisk konferanse i Berlin om to veker.

Anders Grov Nilsen og IKT-studentane hans på HSH på Rommetveit inviterte Nysæter ungdomsskule med på prosjektet, og skal også vera med til Berlin.

Nyttig

Klimamysteriet var ei internasjonal satsing som kombinerte dataspel med naturfag og klimakunnskap. Elevane enga- sjerte seg i saka, og med Klima-konferansen i København før jul, vart det særs aktuelt, forklarar Nordfonn. Kort sagt gjekk det ut på at elevane følgde helten Axel og hjelpte han med å redda klimaet i verda.

– Dei la inn ulike verdiar og data og kunne følgja med på kva konsekvensar det fekk. Høgare temperaturar, endra havstraumar og slikt, og dei såg at alt hang saman og hadde påverknad. Dei vart veldig engasjerte, fortel Nordfonn.

Best i Noreg

– 300 utsendingar frå 44 land i Europa og Afrika skal møtast i Berlin og presentera sine opplegg, fortel pedagogisk ansvarleg for Microsoft Norge, Jan Helge Luth. Han var på Nysæter ungdomsskule i går og hadde med seg dei gode nyhenda.

– 12 av dei 300 vert valde ut til å representera Europa i verdsfinalen i Sør-Afrika i november, der også Bill Gates vil vera til stades. Så dette heng svært høgt prestisjemessig, seier Luth.

Han fortel at det gode sam-spelet mellom skulen og lokale og nasjonale aktørar innan forsking og utvikling, som Aker Solutions og Bellona, var med og bidrog til at undervisningsopplegget om Klimamysteriet vart lagt merke til av Microsoft.

– Skulen skal vera ein del av samfunnet, og her ser me at dei har gjennomført dette på ein meisterleg måte, sa Luth. Han viste også til at dette er ingen konkurranse, men at dei på eige initiativ har valt ut det dei meinte var det beste prosjektet til å representera Noreg.

Positivt for skulen

– Det er først og fremst positivt for elevane våre at dei får fokus på seg i ein slik positiv samanheng, seier rektor Pål Roseth.

– Det viser også at Nysæter og Stord-skulen er oppe og går når det gjeld IKT. All ros til kommunen som har lagt infrastrukturen til rette. Det er tre elevar per pc hos oss, så pc-tettleiken er bra. IKT er ein naturleg del av skule-kvardagen, og det er kjekt at det vert sett fokus på læreverktøyet. Elevane har nytta verktøyet interaktivt i læresituasjonen og har vist at nettet vert nytta til anna enn chatting og surfing, seier Roseth.

Høge forventingar

Det er strenge dommarar som skal vurdera kven som får reisa vidare til Sør-Afrika.

– Det er forventa at Noreg, som eitt av verdas rikaste land, har verdas beste skule, og dommarpanelet dømmer ut frå kva forventingar dei har til dei ulike landa sine utsendingar, forklarar representanten for Microsoft.

– Så det er høg prestisje knytt til det å få delta i konferansen, seier Jan Helge Luth.

Om Klimamysteriet vart løyst?

– Eg trur ikkje det vert løyst nokon gong. Men med dette opplegget vart me i alle fall tvinga til å tenkja konkret og konsekvensar, seier Nordfonn. Han tykkjer det er godt å få stadfesta at det dei driv i skulen med faktisk held vatn, også i internasjonal samanheng.

Randi Olsen

Del på facebook Tips ein venn Skriv ut m/bilete Skriv ut u/bilete

<a href="http://shads.no.publicus.com/apps/pbcsad.dll/adlink?Spot=panorama1,NYHENDE&Req=60023006244807084" target="_top"><img src="http://shads.no.publicus.com/apps/pbcsad.dll/adimage?Spot=panorama1,NYHENDE&Req=60023006244807084" border="0" height="60" width="468" alt=""></a>

<a href="http://shads.no.publicus.com/apps/pbcsad.dll/adlink?Spot=topptarn,NYHENDE&Req=60023006244807084" target="_new"><img src="http://shads.no.publicus.com/apps/pbcsad.dll/adimage?Spot=topptarn,NYHENDE&Req=60023006244807084" border="0" height="300" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn1,NYHENDE&Req=60023006244807084" target="_new"><img src="http://shads.no.publicus.com/apps/pbcsad.dll/adimage?Spot=tarn1,NYHENDE&Req=60023006244807084" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn2,NYHENDE&Req=60023006244807084" target="_new"><img src="http://shads.no.publicus.com/apps/pbcsad.dll/adimage?Spot=tarn2,NYHENDE&Req=60023006244807084" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn3,NYHENDE&Req=60023006244807084" target="_new"><img src="http://shads.no.publicus.com/apps/pbcsad.dll/adimage?Spot=tarn3,NYHENDE&Req=60023006244807084" border="0" height="510" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn4,NYHENDE&Req=60023006244807084" target="_new"><img src="http://shads.no.publicus.com/apps/pbcsad.dll/adimage?Spot=tarn4,NYHENDE&Req=60023006244807084" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn5,NYHENDE&Req=60023006244807084" target="_new"><img src="http://shads.no.publicus.com/apps/pbcsad.dll/adimage?Spot=tarn5,NYHENDE&Req=60023006244807084" border="0" height="500" width="180" alt=""></a>

© 2006 Sunnhordland
Sentralbord: 53 45 00 00 Postadresse:
Boks 100, 5401 Stord

Hovudkontor:
Borggata 15, Stord Ansvarleg redaktør:
Magne Kydland

Sunnhordland arbeider etter Redaktørplakaten, Ver Varsam-plakaten og Tekstreklameplakaten sine retningslinjer for god presseskikk.

Papirutgåva i dag

Siste blogg

Papirutgåva
i dag