Sunnhordland

1.mai-helga var det «Liv og røre» på Årskog museum. Fv. formann i Fitjar Husflidslag Petra Espevoll og for høvet «potetmann» Gudmund Gloppen, sit på benken i solskinet. Amalie Selsvik Espevoll og Helene Volden de Fine prøver seg på hoppetaua dei nett har laga seg på løa. Våningshuset til høgre i biletet.

Ein tradisjon rikare

Fitjar kommune og Norges Husflidlag feirar begge jubileum om dagen. I det høvet vart det 1. mai stelt i stand «Liv og røre» på Årskog museum ilag med Fitjar Bygdekvinnelag.

Relaterte artiklar

Opna alle kranar

[ Publisert: 03.05.10 kl. 07:00 ]
[ Oppdatert: 03.05.10 kl. 15:16 ]

Formann i Fitjar Husflidslag, Petra Espevoll tek imot meg i tradisjonsrik drakt. Deretter følgjer ei flott omvisning på den gamle garden der ein fekk innblikk i litt av kvardagen og levemåten til tidlegare generasjonar på øya vår her i vest.

Barnebarnet til Petra, Amalie Selsvik Espevoll (9) og veninna hennar Helene Volden de Fine (9) har lagd seg hoppetau på gamle måten og etter ein hoppedemonstrasjon i maisola, fortel dei avisa korleis dei gjekk fram.

– Me tok det i ein planke med trehjul, to hjul her og to under, og eit handtak som ein sveivar. Så snurra me og tauet knytta seg, fortel jentene og gestikulerer med hendene.

– Det var ikkje så vanskeleg, men det var tungt, seier Helene.

– Er det andre ting ein kan finna på her i dag?

– Ein kan jo gå inn på museumskjøkkenet, der dei lagar flatbrød, dessertar og smør, svarar Helene kontant og peikar på våningshuset ovanfor oss.

Ei motvekt mot bruk- og kast

Bestemor Petra og jentene tek deretter avisa med til løa der dei syner korleis hoppetauet vart laga. Der er mor til Helene, Hilde Volden de Fine, i gamle tradisjonsrike klede, klar med tauapparata som ho syner fram til dei besøkande.

– Dette er slik dei lagde tau i gamle dagar, berre at me brukar filler for demonstrasjonen sin del, seier Petra. Jentene har óg laga venskapsband ved hjelp av gamaldagse slyngestokkar.

– Eg synsest det er bra at borna lærar seg gjenbruk, den bruk- og kastmentaliteten som er i dag likar eg ikkje, seier Hilde Volde de Fine.

– Det er viktig at ein lærer litt om gamle dagar, og at dei unge sjølve synest det er kjekt, held ho fram.

– Dei apparata som me har her i dag frå Husflidslaget, skal ikkje liggja urøyrt, dei skal ut til skular og til utlån, for dei skal bli brukt, understreker Petra Espevoll.

– Ettersom Fitjar feirar 150 års jubileum og Norges Husflidslag feirar 100 års jubileum, så slo me det saman til ein open dag her saman med Bygdekvinnelaget på Fitjar. Med eitt fokus, å få vist museet fram til folk, utfyller ho.

Gamal lærdom

Det var brørne Lars og Olai Årskog, som testamenterte frå seg den 400 år gamle familiegarden til Fitjar kommune i 1980. Og i helga fekk dei vitjande lagd sine eigne snor og tauverk på løa. Ein fekk smaka på tradisjonsrik mat og sjå på arrangørane som gjekk rundt i gamle klesdraktar og utførte arbeid på gamlemåten.

I våningshuset kunne ein få med seg veving på gamal oppstadvev og Fitjar Bygdekvinnelag som fokuserte på matlaging ved hjelp av byggkorn. Ute i frilufta fann ein eit kulturlandskap med rydningsrøysar, steingard, gardstun og naust, som ifølgje arrangørane syner oss kombinasjonen av jordbruk og fiske som var vanleg i kyst-Noreg før i tida.

– Og kva meiner jentene sjølv dei tek med seg heim av lærdom?

– Me lærte noko besteforeldra våre har lært og då tek me liksom vare på det, forklarer Amalie Selsvik Espevoll.

– Og då lærer me det vidare, fortset Helene Volden de Fine, før Amalie sluttar:

– Og då kan det kanskje vara så lenge menneska lever.

Helene Volden de Fine (f.v.), Petra Espevoll og Amalie Selsvik Espevoll lagar tau ved hjelp av slyngestokkar under "Liv og røre" på Årskog museum.

Henrik Mundal Andreassen

Del på facebook Tips ein venn Skriv ut m/bilete Skriv ut u/bilete

<a href="http://shads.no.publicus.com/apps/pbcsad.dll/adlink?Spot=topptarn,KULTUR&Req=60052966982364241" target="_new"><img src="http://shads.no.publicus.com/apps/pbcsad.dll/adimage?Spot=topptarn,KULTUR&Req=60052966982364241" border="0" height="300" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn1,KULTUR&Req=60052966982364241" target="_new"><img src="http://shads.no.publicus.com/apps/pbcsad.dll/adimage?Spot=tarn1,KULTUR&Req=60052966982364241" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn2,KULTUR&Req=60052966982364241" target="_new"><img src="http://shads.no.publicus.com/apps/pbcsad.dll/adimage?Spot=tarn2,KULTUR&Req=60052966982364241" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn3,KULTUR&Req=60052966982364241" target="_new"><img src="http://shads.no.publicus.com/apps/pbcsad.dll/adimage?Spot=tarn3,KULTUR&Req=60052966982364241" border="0" height="510" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn4,KULTUR&Req=60052966982364241" target="_new"><img src="http://shads.no.publicus.com/apps/pbcsad.dll/adimage?Spot=tarn4,KULTUR&Req=60052966982364241" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn5,KULTUR&Req=60052966982364241" target="_new"><img src="http://shads.no.publicus.com/apps/pbcsad.dll/adimage?Spot=tarn5,KULTUR&Req=60052966982364241" border="0" height="500" width="180" alt=""></a>

© 2006 Sunnhordland
Sentralbord: 53 45 00 00 Postadresse:
Boks 100, 5401 Stord

Hovudkontor:
Borggata 15, Stord Ansvarleg redaktør:
Magne Kydland

Sunnhordland arbeider etter Redaktørplakaten, Ver Varsam-plakaten og Tekstreklameplakaten sine retningslinjer for god presseskikk.

Papirutgåva i dag

Siste blogg

Papirutgåva
i dag