Sunnhordland

F.v. Kaia Rydland (8), Oda Rydland (11), Stine Landa (12) og Linn Katrin Gloppen (13) har saman med dei andre speidarane frå Fitjar lagd miljøvennlig kjøleskap.

Med heimelaga kjøleskap på leir

Speidarar frå Fitjar KFUK-KFUM-speidarar har med seg heimelaga kjøleskap på grøn landsleir.

Relaterte artiklar

[ Publisert: 09.07.10 kl. 07:00 ]
[ Oppdatert: 09.07.10 kl. 12:03 ]

Kjøleskapet er laga av ein gammal madrass som vert fukta med kaldt vatn. Madrassen står rundt ein plastboks, der ein kan setja mat som skal halda seg kald.

– Madrassen må vatnast tre til fem gonger om dagen, fortel Sverre Fangel Brekke (12).

Dermed har speidarane kald mjølk og annan mat heile veka på leir, utan å bruka straum.

Kjekt at folk bryr seg

Tema på leiren er Grønn Action, og det blir fokusert på miljøet og engasjement for jorda. Speidarane frå Fitjar meiner det er bra at leiren fokuserer på miljø.

– Det er kjekt å sjå at folk bryr seg, meiner Linn Katrin Gloppen (13).

På leiren vert alt søppel kjeldesortert. Fitjar-speidarane synest dette er eit godt miljøtiltak.

I tillegg til å læra om miljø, bruker speidarane mykje tid på å bli kjent med nokon av dei andre 5.000 speidarane på landsleiren. Dei har blitt kjent med speidarar både frå Noreg og andre land.

– Me har fått nokre nye vener og møtt gamle vener, fortel Stine Landa (12).

– Me har mellom anna vore på leirbål hos leirnaboane våre, og blitt kjend med nokon der.

Mykje morosamt

På leiren er det òg mange morosame aktivitetar. Speidarane gler seg spesielt til marknadsdag. Då skal kvar speidargruppe arrangera ein aktivitet på ein stor marknad for heile leiren. Fitjar-speidarane har ikkje bestemt seg for kva dei skal gjera på marknaden enno, men har fleire forslag, som å steika lappar eller balansera på slak line. Uansett kva det blir, lovar Sverre at det blir gøy.

– Eg har med megafon, så eg skal gå rundt og annonsera at Fitjar held på med noko gøy, seier han.

Speidarlandsleiren på Lista utanfor Farsund varer frå 3. til 10. juli, og årets leir har blitt døypt Grønn Action. Den har ein klår miljøprofil, og i tillegg til fleire miljørelaterte aktivitetar for speidarane, har også leiren blitt den fyrste landsleiren i Noreg til å bli sertifisert som miljøfyrtårn.

– Å verta miljøfyrtårn krev at me er medviten i høve til forbruk, innkjøp og ressursforvaltning. Me har visst at det er dette me vil heilt sidan dag éin i planlegginga, seier landsleirsjef Karen Marie Engeseth.

Miljøengasjementet vil òg vera ein raud tråd i programmet på leiren. På programmet står både olabilløp og vindmøllebygging, og fleire grupper har jobba med å laga miljøvennlige innretningar som dreg nytte av fornybar energi.

Til saman er over 5.000 speidarar samla til landsleir på Lista, frå Finnmark i nord til Agder-fylka i sør. I tillegg deltek speidarar frå 14 nasjoner på leiren, mellom anna frå Sverige, Storbritannia, Sveits, Madagaskar, Tanzania, Australia og Taiwan.

Landsleir Grønn Action – Lista 2010

Landsleir for Noregs KFUK-KFUM-speidarar. Finn i år stad på Lista Flystasjon utanfor Farsund, og årets leirtema er miljø.

Rundt 5.000 påmeldte deltakarar, og det gjer at vertskommunen Farsund sitt innbyggertall denne veka stig med meir enn 50 prosent.

Landsleir vert arrangert kvart fjerde år.

Speidarane bur i telt, lagar mat sjøl og deltar på aktivitetar heile veka.

Samlar speidarar frå heile Noreg og 13 andre nasjonar.

Er eit arrangement basert på frivillige, og rundt 350 frivillige dreg lasset for å arrangera leiren.

Under bygging av leirområdet har 2.000 meter vannslange blitt lagt ut, og 5.000 meter med snor lagt ut for å merkaopp leirområdet.

14.592 ruller dopapir går med i løpet av leiren.

Dei 5.000 speidarane vil ete mat for over 1,5 millioner kroner.

Meir info på www.kmspeider.no/landsleir

Kjøleskapet må vatnast med jamne mellomrom, med iskaldt vatn. Sverre Fagel Brekke (12) vatnar.

Stine Løkstad

Del på facebook Tips ein venn Skriv ut m/bilete Skriv ut u/bilete

<a href="http://shads.no.publicus.com/apps/pbcsad.dll/adlink?Spot=panorama1,NYHENDE&Req=60032998535545031" target="_top"><img src="http://shads.no.publicus.com/apps/pbcsad.dll/adimage?Spot=panorama1,NYHENDE&Req=60032998535545031" border="0" height="60" width="468" alt=""></a>

<a href="http://shads.no.publicus.com/apps/pbcsad.dll/adlink?Spot=topptarn,NYHENDE&Req=60032998535545031" target="_new"><img src="http://shads.no.publicus.com/apps/pbcsad.dll/adimage?Spot=topptarn,NYHENDE&Req=60032998535545031" border="0" height="300" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn1,NYHENDE&Req=60032998535545031" target="_new"><img src="http://shads.no.publicus.com/apps/pbcsad.dll/adimage?Spot=tarn1,NYHENDE&Req=60032998535545031" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn2,NYHENDE&Req=60032998535545031" target="_new"><img src="http://shads.no.publicus.com/apps/pbcsad.dll/adimage?Spot=tarn2,NYHENDE&Req=60032998535545031" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn3,NYHENDE&Req=60032998535545031" target="_new"><img src="http://shads.no.publicus.com/apps/pbcsad.dll/adimage?Spot=tarn3,NYHENDE&Req=60032998535545031" border="0" height="510" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn4,NYHENDE&Req=60032998535545031" target="_new"><img src="http://shads.no.publicus.com/apps/pbcsad.dll/adimage?Spot=tarn4,NYHENDE&Req=60032998535545031" border="0" height="500" width="180" alt=""></a>
<a href="http://shads.no.publicus.com/apps/pbcsad.dll/adlink?Spot=tarn5,NYHENDE&Req=60032998535545031" target="_new"><img src="http://shads.no.publicus.com/apps/pbcsad.dll/adimage?Spot=tarn5,NYHENDE&Req=60032998535545031" border="0" height="500" width="180" alt=""></a>

© 2006 Sunnhordland
Sentralbord: 53 45 00 00 Postadresse:
Boks 100, 5401 Stord

Hovudkontor:
Borggata 15, Stord Ansvarleg redaktør:
Magne Kydland

Sunnhordland arbeider etter Redaktørplakaten, Ver Varsam-plakaten og Tekstreklameplakaten sine retningslinjer for god presseskikk.

Papirutgåva i dag

Siste blogg

Papirutgåva
i dag