Mannen med maska frå Bergen, Bjørn Hellfuck, skal halda konsert på Arena laurdag 14. mai.

Ifølgje Kjetil Barane i Stord Rockeklubb tar Hellfuck med seg sine gamle slagerar til konserten, samt materiale frå hans komande album.
Dette vert den einaste konserten til Hellfuck i distriktet på denne sida av sommaren.
Konserten med Hellfuck er ein del av hendingsrike dagar på musikkfronten på Stord.

Meisterskap
Torsdag 12. mai er det klart for Sunnhordlandsmesterskap i pop og rock 2011. Her stiller heile 12 band opp for å konkurrera om tittelen og publikumsprisen.
Dei 12 er: Kuria (Bømlo), Abzurd (Stord), 4ADAMAS (Stord), Purple Monkey Dishwasher (Stord), Wotankeld (Bømlo), Evolver (Stord), Vision (Kvinnherad), Delirus (Sveio), Three and a half men (Stord), Aina Hatlevik m/band (Stord), Out Blue (Stord) og NiteRain (Stord/Oslo).

Minnekonsert
Fredag den 13. mai vert det også konsert på Arena. Sidan det 16. mai er eitt år sidan Ronnie James Dio gjekk bort, ynskjer rockeklubben å arrangere ein minnekonsert for å gjera ære på hans minne.

Då speler paDIOna frå Stavanger, eit tributeband til Dio. Dessutan skal Yearstones vere supportband.

– Dette blir ein minnerik kveld, seier Barane.