Sjømenn møtte rektoren

Alf Sørangr mønstra om bord.

Rektor ved Stord interkommunale realskule, Alf Sørangr med kone og to engelske (?) sjømenn. Biletet er frå 1945.
 
Ein lesar, Per Vatna (elev 1956-58), har tipsa om at rektoren skreiv namnet sitt Sørangr.
– Han var svært nøye på at det vart skreven slik, og ikkje Søranger, skriv Vatna i ein e-post.
 
Ein annan lesar, Geir Inge Kårbø, kjenner att båten.
– Det er mest truleg MS "Elieser 4", byggnr. 294, frå Gravdal Skipsbyggeri, Sunde. Bygd i 1939 som hospitalskip for Den Indre Sjømannsmisjon, Bergen. Dei dreiv båten i 50 år. Stor ombygging i 1967, skriv han i ein e-post.
 

Selt til England
– Etter krigen fungerte han som sjukehus blant anna under gjennoppbygginga av Finnmark.
Store deler av året vart han nytta i passasjertrafikk langs Norskekysten, mellom anna mellom Bergen og Nordkapp.
Båten hadde Wicmann-motor (400 hk, 5 AC), var 36,33 meter lang og hadde sertifikat på 286 passasjerar. Kallesignalet var LKGF.
Etter 50 års drift langs Norskekysten vart båten i 1990 selt til engelsk kjøpar, ifølgje Kårbø.
– Han forlot då Noreg og segla til si nye heimehamn i England. Båten skal ha blitt observert på Kypros ein gong på 90-talet. Vidare lagnad kjenner eg ikkje til.