To gonger i løpet av natt til laurdag var politiet på Stord i kontakt med personar i førtiåra som var mistenkt for å ha sett seg bak rettet utan reint blod i årene.
 
Først fekk politiet melding om ein bil som køyrde vinglete på E39 litt før klokka 02. Føraren var ei kvinne i 40-åra.
 
– Då politiet forsøkte å stoppa bilen nekta føraren først å stoppa. Føraren stoppa ikkje før etter fleire kilometer, opplyser operasjonsleiar Norunn Byrknes ved Haugaland og Sunnhordland politidistrikt.
 
Ein dryg time seinare var det på han igjen. Denne gongen var personen i førtiåra ein mann.
 
– Klokka 03.04 kontrollerte patruljen på Stord ein bil kor det viste seg at føraren var alkoholpåverka. Føraren vert anmeldt for køyring i påverka tilstand, seier Byrknes.