Snøen stoppa Solid
Må utsetja kamp i vinterserien. Det same må Rosendal og Trio.
Vanskelege baneforhold gjer at Solid må utsetja den terminfesta vinterseriekampen mot Åkra denne helga. Også Rosendal og Trio må kansellera treningskampar. Begge skulle ha møtt Dale som hadde planar om treningsleir i Kvinnherad denne helga. Det nyopprykte 4.-divisjonslaget måtte droppa leiren av utanomsportslege årsaker.
Trio var sett opp med kamp mot Falkeid i vinterserien i kveld. Kampen vart framskunda til i går.
Fitjar har spelt fire treningskampar på bortebane denne vinteren. Laget håpar å få til ein kamp på heimebane i løpet av komande veke, men først må banen ryddast for is og snø.

