Ragnar Hovland blir å sjå på årets Falturiltu. (Arkivfoto: Vidar Hope)
Her er årets festivalforfattar
Ragnar Hovland blir å oppleva under Falturiltu.
Den nynorske barnebokfestivalen Falturiltu er ikkje før i november, men allereie no er det klart at Ragnar Hovland blir festivalforfattar.
Hovland debuterte i 1979, og allereie året etter kom den første barneboka hans, "Det får stå til", som gav han debutantprisen til Kultur- og vitskapsdepartementet. Seinare har det komme over 40 bøker frå han, 15 av dei for barn og unge, står det på nettsida til Falturiltu.
Årets Falturiltu går av stabelen 4. til 9. november. I fjor hadde festivalen femårsjubileum og sette publikumsrekord med over 3.600 menneske på dei mange tilskipingane.
Hovland er på plass på Stord i morgon, fredag, denne gong i eit musikalsk ærend. I morgon har nemleg gruppa Vaksne menn på ville vegar konsert i Leirvik sentrum.