– Dette var verkeleg artig, seier ein glad stordtrenar Kjell Storelid.

Medaljen kom likevel ikkje overraskande på den tidlegare landslagsløparen.
– Nei, Kristian har lenge vist at han høyrer til i det sjiktet. Mellom anna kan han sjå attende på fjerdeplassar. Forholda i fjor var jo ikkje optimale her på Stord. Anlegget gjekk i stå og det vart lite trening på is. I år har det retta seg. For Kristian sin del så har han gjort ein enorm treningsjobb som han no har fått litt betalt for, seier Storelid.

Han ser også ein vidare verdi i denne medaljen som kom i helga.
– Den inspirer heile gruppa. Det Kristian gjorde var å visa at det går an. Han sette ein standard og fekk vist særleg yngre løparar som kjem etter at det verkeleg går an. Slik sett er det viktig for skeisegruppa å få bryta den barrieren det er å ta ein første NM-medalje, seier Storelid.

Forholda i landsmeisterskapen i Harstad var langt frå optimale. Både vind og snøvêr sette sitt preg på slutttidene. Kristian Aas kom inn til 1.29.92. Det heldt til bronse bak Per Ringnes (Sand) som vann distansen på 1.27. Christian Reinton (Hol) snappa sølvet med 1.29.56.