Kommunalt eigedomsforfall

STORD kommune har eigedommar til ein verdi av nærare to milliardar kroner, dersom dei skulle bli bygd i dag. Men dei har ikkje råd til å halda dei ved like. Einingsleiar Olav Eide i tekniske tenester er fortvila over at eigedomsmassen er salderingspost, og at politikarane stadig omorganiserer drifta av eigedomsmassen. Onsdag orienterte Eide formannskapet om stoda, fordi det endå ein gong kan vera aktuelt med ei omorganisering, til dømes å skilja ut eigedom i eit eige AS.
 
er henta frå ein leiar i avisa for snart fire år sidan. Då var dei kommunale eigedommane i så dårleg forfatning at me rådde til ei omorganisering i drifta av eigedom, for at ikkje midlar til vedlikehald skulle enda opp som salderingspost i resten av det kommunale budsjett. Kva har skjedd? Drifta er omorganisert, men me kan ikkje sjå at tilstanden er betre i dag. Tvert om så må me diverre konstatera at det er krise både i Stord kommune, dotterselskapet Stord kommunale eigedom KF og ikkje minst i bygningsmassen.
DETTE AVSNITTET
 
var det kalla inn til ekstraordinært formannskapsmøte for å diskutera den alvorlege situasjonen, etter at det for to veker sidan kom fram at det har vore alvorleg kommunikasjonssvikt mellom administrasjonen og Stord kommunale eigedom KF. Eigedomsselskapet manglar ein stad mellom 12 og 16 millionar kroner, og budsjettet til Stord kommune må reviderast for tredje gongen på eitt år.
DENNE VEKA
 
meiner Stord kommunale eigedom må klara seg med 12,9 millionar kroner utover løyva ramme, medan dagleg leiar Olav Eide meiner dei må ha 16 millionar. Dersom ikkje det skjer risikerer ein nedbemanning, stengde bygg, mindre vask og vedlikehald - og i verste fall er det ikkje råd til å kjøpa inn toalettpapir. Det må brukarane syta for sjølv. Sigbjørn Framnes (FrP) er forferda og ber både styreleiaren i Stord kommunale eigedom og rådmannen vurdera sine stillingar. Me skjønar frustrasjonen, men meiner ein må ha tid på seg til å rydda opp. Så får etterpå ein ta ei grundig evaluering av både den eine og den andre - og ikkje minst heile føretaksmodellen, som etter vårt syn ikkje har vore nokon suksess.
RÅDMANNEN