Sunnhordland

– Ikkje slepp dei inn i huset! seier lensmann Jan Fosse. Ei kvinne som følgde rådet fekk ein stinkande overrasking. Arkivfoto: PER EGIL LARSEN

– Ikkje slepp dei inn i huset! seier lensmann Jan Fosse. Ei kvinne som følgde rådet fekk ein stinkande overrasking. Arkivfoto: PER EGIL LARSEN

Polsk seljar dreit på trappa

– Griseri delux! seier lensmann i Kvinnherad Jan Fosse om oppførselen til ein av dei polske seljarane som oppsøkte folk i heimen i Kvinnherad i går.

Lensmann Jan Fosse er rysta over oppførselen.

– Det er særdeles ufint. Dersom ein ikkje kan oppføra seg, så får ein reise heim der ein kjem frå! seier lensmannen.

Ville på do
Sunnhordland.no skrev tidlegare i dag om at folk i Kvinnherad var plaga av særs innpåslitne seljarar, som presenterte seg som polakkar som gjekk frå dør til dør torsdag. Her ville dei anten selja noko, be om arbeid, eller låna toalettet.
– Me har oppfordra folk til å ikkje sleppa desse inn. Me veit at ein del av dei driver med tjuveri. Denne personen spurde mellom anna om å låna toalettet, og kvinna gjorde det som var rett. Ho slapp han ikkje inn. I dag oppdaga kvinna at han hadde gjort å frå seg på trappa, seier Fosse.

Tidlegare lovbrot
Politipatruljen stoppa ein del av polakkane som var i Kvinnherad torsdag, sjekka identitet og bilnummer.

– Då med sjekka identiteten deira kom det fram at enkelte av dei tidlegare var tekne for grove tjuveri, seier lensmannen.

Han seier at desse "seljarane" opererer i saman.

– Dei kjem gjerne i varebilar, og så går frå hus til hus. Dei oppsøkjer gjerne hus som ligg litt avsides til og gjerne eldre folk, seier Jan Fosse.

Øydelegg for andre
Lensmannen synest det er trist at slike "gjengar" skal få øydeleggja for andre.

– Me har jo andre som har rett til å vera her, og som og søkjer seg arbeid heilt lovleg. Det er frykteleg synd om slikt skal gå ut over dei, seier Fosse.

Forutan denne kvinna var det fleire andre som tok kontakt med politiet fordi dei følte kontakten med polakkane som ubehageleg.

– Førebels har me ikkje fått melding om tjuveri, seier Fosse.

Han oppfordrer folk som får besøk av seljarane til å notera seg bilnummer.






Siste saker frå Sunnhordland.no

Slakta av Elverum

Slakta av Elverum

Store ambisjonar og gullprat ser ikkje ut til å hjelpa eit Stord-lag i poengnaud. Søndag kveld blei Elverum for sterke.

Ung­dommar tatt med narkotika

Ung­dommar tatt med narkotika

To 17 år gamle gutar, og ei 16 år gammal jente, tatt for bruk av narkotika.


Misjons­revy for fulle hus

Misjons­revy for fulle hus

Misjonsfolket lausna på snippen i fullset Kulturhus. Her er Sunnhordland sin dom over revyen.

Litle­skare elskar grøne bilar

Litle­skare elskar grøne bilar

Fredrik Litleskare (61) har fylt hagen sin med militærbilar sidan 70-talet.


No har han gått frå Stord

No har han gått frå Stord

Riggen "Transocean Barents" er på veg ut i havet. Her kan du sjå ruta.

Fekk du med deg voffen?

Fekk du med deg voffen?

Videoen med Gatzy som fekk ti nåler i seg, er berre éin av mange som kom ut på Sunnhordland.no denne veka.