Gå til artikkelen

Kraftig jordskjelv

- Det buldra noko veldig, og veggene rista, seier Øystein Skåla på Ådland.

Publisert 14.03.2012 kl. 20.41. Oppdatert 15.03.2012 kl. 08.06.

Han var ein av mange som ringde inn om jordskjelvet som merkast i heile distriktet litt før klokka 20.30 i kveld.
- Det må ha vore jordskjelv. Eg kjende ristinga her på Haga. Det same gjorde ein venn i Skudneshavn, skriv Jens Lønning på melding til Sunnhordland.

-Me bur på Tittelsnes og merka godt eit jordskjelv her for ca. 10 minutt sidan. Det varte i kring 15 sekund, rapporterer Kjell O. Møllerhaug klokka 20.35.

- Var det jordskjelv no klokka 20.24? Det kom eit veldig skrall i jorda og huset vårt på Bjelland rista og skaka. Det kan ikkje vera anna enn jordskjelv, melder Sverre Skjelnes.

- Eg kjende det her på Fitjar òg, skriv Karsten Andrè Hartvedt på facebook-sida til Sunnhordland.

Politiet opplyser også at dei har fått inn meldingar om eit mogleg jordskjelv. Dei har ikkje fått inn meldingar om kontrollerte sprengningar.

I Nordsjøen

På nettsida m.emsc.eu melder dei om jordskjelv i Nordsjøen som måler 3.4 på Richters skala. Her står det vidare at det klokka 20.22 lokal tid, blei målt jordskjelv 177 kilometer vest for Stavanger/Sandnes. På same tidspunkt er det målt jordskjelv 170 kilometer sørvest for Haugesund.

Sjå lenka til nettsida her.

 

ABBnyheter har skrive ei sak om at Det seismologiske observatoriet NORSAR på Kjeller har motteke meldingar om jordskjelv frå Lyngdal i sør til Stord i nord.

Denne saka kan du lesa her.

- Ti i året

- I norsk samanheng er det eit moderat skjelv, men me har ikkje slike skjelv kvar dag. Det kjem omtrent ti skjelv av denne typen i året, seier professor Kuvvet Atakan til bt.no.
Han seier vidare at Episenteret var like nord for Etne, magnituden 3,5. Noko liknande har ikkje skjedd i Etne-området sidan 1989, seier Atakan.
Saka blir oppdatert.

Nett-TV

Kom i julestemning med politikarane

Kom i julestemning med politikarane

Husplanar møter sterk motbør

Husplanar møter sterk motbør

Difor vil ho ha park på kaien

Difor vil ho ha park på kaien

På jakt etter kjelda til røyken

På jakt etter kjelda til røyken

Siste saker Gå til framsida

Melder ikkje frå om lovbrot

Berre halvparten av dei som har vore utsett for kriminalitet i vårt distrikt seier dei har meldt forholdet til politiet.