Sunnhordland

Honningbarna opptrer med to konsertar på Stord til helga. Her med vokalist og cellist Edvard Valberg. FOTO: JØRN GJERSTØE

Honningbarna opptrer med to konsertar på Stord til helga. Her med vokalist og cellist Edvard Valberg. FOTO: JØRN GJERSTØE

Smak av honning på Arena

Eitt av Noregs mest ettertrakta rockeband, Honningbarna, klinkar til med to konsertar på Leirvik til helga. Både for små og store.

Både kulturskulen og plateselskapet Karmakosmetrix inviterer til konsertar på høvesvis fredag og laurdag.

I samband med tiårsfeiringa til plateselskapet Karmakosmetrix, såg Ian Kolstad sitt snitt til å skipa konsertar både i regi av kulturskulen, og av plateselskapet.

– Honningbarna spelar i same plateselskap som oss i Goldlog, så det er ein direkte link der. I tillegg er eg kultur-skulelærar for band. Så det var der ideen kom, seier Ian Kolstad om arrangementa.

Held seminar

To av dei lokale banda i kulturskulen vil få høve til å spela på same arrangement som Honningbarna på fredag. Dette arrangementet er rusfritt og ope for alle aldrar.

– Det vil bli ein konsert på fredag med kulturskulen, og dagen før kjem Honningbarna til å halda eit seminar med banda om kva det skal til for å spela i eit rockeband på alle nivå, og om det å vera i rockebransjen.

Nye songar

Dei lokale kulturskulebanda som skal spela er Black Lights og Evolver. Plateselskapet Karmakosmetrix innleiar jubileumsarrangementa på Stord før vegen går vidare rundt i Noreg og seinare Europa. Kolstad skal sjølv spela saman med resten i Goldlog på laurdag, og kan by på nytt materiale.

– Me har to nye songar frå albumet me jobbar med no, og kjem til å spela med fullt band, seier musikaren.

Henta lokalt band

Bandet Hot Pockets er henta inn som eit ekstra lokalt bidrag på plateselskapet sin kveld på laurdagen. Også her er det Ian Kolstad som har trekt i trådane.

– Eg spelar med Ian i Nils Horn band, seier Ørjan Lægreid, bassist i Hot Pockets.

Bandet har etter kvart blitt eit kjend namn i Sunnhordland, og beskriv musikken sin som hovudsakleg rock.

– Me spelar frå mange forskjellige sjangrar, men baserer oss på rock n"roll.

– Me spelar og litt jazz og blues, seier Lægreid.

Treffest igjen

Saman med bandkollega trommis Pål Gunnar Dale ser dei fram til konsertkvelden.

Dei har tidlegare møtt Honningbarna, og Dale skreiv inn ein kondolanse på VG Nett sine sider då trommis Anders Askildsen Eikås omkom i ei trafikkulukke i januar.

– Me var ein del av crewet på Øyo 2010 og slo av nokre ord då. Dei er kjekke alle saman, sympatiske fyrar, seier Dale.

Ettersom Honningbarna også har sitt utspring frå eit samarbeid på vidaregåande er det nokon likskapstrekk mellom banda.

– Eg har sansen for dei. Dei er eit år eldre enn oss, og starta opp på musikklinja, seier Ørjan Lægreid.

Bandkollega Dale er imponert over kva kameratgjengen frå Kristiansand har fått til.

– Dei var av dei mest ettertrakta rockebanda i Noreg i løpet av siste året på vidaregåande, seier Dale.

Hot pockets er henta inn av plateselskapet Karmakosmetrix for å spele på laurdag. Her med Ørjan Lægreid (t.v.) og Pål Gunnar Dale (t.h.).

Hot pockets er henta inn av plateselskapet Karmakosmetrix for å spele på laurdag. Her med Ørjan Lægreid (t.v.) og Pål Gunnar Dale (t.h.).






Siste saker frå Sunnhordland.no

Her kjem tyskarane til kai

Her kjem tyskarane til kai

Cruiseskipet «Albatros» klappa til kai i Leirvik klokka 17 tysdag ettermiddag.

Flyplass-naboar vil ha svar

Flyplass-naboar vil ha svar

Har sendt purrebrev til flyplassen, kommunar, fylke­skommunen, Avinor og Statoil – etter manglande svar.


Ville ikkje gje naboen utsikt

Ville ikkje gje naboen utsikt

Huseigaren på Stord ville ikkje hogga trea, sidan naboen då ville få utsikt. Det argumentet la ikkje tingretten vekt på.

Varslar kamp om ordførar­kjeda

Varslar kamp om ordførar­kjeda

– Det er ingen automatikk i at det største partiet får ordføraren, seier Leif-Steinar Alfsvåg (KrF).


– Dette gjer politikken spennande

– Dette gjer politikken spennande

Liv Kari Eskeland (H) synest ikkje det er unaturleg at Harry Herstad (Ap) frir til koalisjons­partnarane.

Finn fram roperten om regjeringa sviktar

Finn fram roperten om regjeringa sviktar

Magne Rommetveit (Ap) er klar til å heva stemma om viktige veg­prosjekt blir ned­prioritert.