Gå til artikkelen

Fyrte laus med startpistol

Væpna politi rykka ut til Fitjar torsdag kveld. Ungdommar hadde skote 39 skot med ein startpistol.

Publisert 16.03.2012 kl. 11.47. Oppdatert kl. 11.52.

Rett før klokka 23 torsdag kveld fekk politiet melding om skyting i eit hus på Fitjar.

Det vart gjeven klarsignal til å væpna seg, og patruljar frå Stord og Haugesund rykka ut.

– Meldinga gjekk på at det var høyrt skot i eit hus på Fitjar, og då måtte me væpna oss, seier Stord-lensmann Bernt Norvalls.


39 skot
Aksjonen gjekk føre seg utan dramatikk, for då patruljane kom fram til Fitjar, synte det seg at det ikkje var skot frå skytevåpen.

– Det var to ungdommar i slutten av tenåra som hadde skote 39 skot med ein startpistol. Eit ute, og resten inne, seier han.

Han trur det måtte ha vore ganske røykfylt inne i huset etter skytinga.


Førelegg
– Ungdommane kan no venta seg eit førelegg for ordensforstyrring. Det er ikkje noko krav om lisens for startpistol, men ein kan ikkje bruka det på ein slik måte at det forstyrrar andre, seier Norvalls.

Stord-lensmannen meiner ein som har greie på skytevåpen, ville ha høyrt forskjell på skota frå ein startpistol og eit ordinært skytevåpen.

– Men når me får slike meldingar og det ikkje er avklart kva som skjer, så må me væpna oss, seier han.

Nett-TV

Glimt frå «Let the good times roll»

Glimt frå «Let the good times roll»

Her blir nedrykket eit faktum

Her blir nedrykket eit faktum

Refleksdagen 2014

Refleksdagen 2014

Klassetur med «Mathilde»

Klassetur med «Mathilde»

Siste saker Gå til framsida

Takkar for seg i Halsnøy

Jan Helland og Atle Eide har fått nok av dårleg oppmøte på trening. Sjekk statusen blant andre trenarar i regionen.