Store vassmengder har skapt mykje frustrasjon for bilistar ved Vabakkjen, og Sunnhordland har i løpet av dagen fått fleire tips om dei våte forholda i vegkrysset.

Ifølgje vaktoperatur Ove Amundsen ved vegtrafikksentralen er det likevel ingen som har klaga sin naud til dei.

– Heilt stille

– Her har det vore heilt stille, seier Amundsen til Sunnhordland.

Men det er ikkje berre på Vabakkjen det er meir vatn enn normalt.

– Tveitavatnet har eg aldri i mine 61 år sett så høgt som i dag. Spesielt ved Tveita-krysset er det tydeleg å sjå at det må vera ein propp i systemet einkvan staden. Ser ut til å vera på god veg opp mot riksvegen, skriv Gisle Tjong i ein e-post til Sunnhordland.

Godvêr i vente

Om det kan vera til noko trøyst, ser det i det minste ut til at væta snart tar slutt.

Skal me tru Yr sitt langtidsvarsel for Stord, vil den neste veka vera så godt som regnfri, når berre onsdagen er over. Det er attpåtil meld sol eit par av dagane, før regndropane dukkar opp på kartet igjen torsdag om ei dryg veke.