Gå til artikkelen

På tur over Grønland

På tide å finna fram joggesko.

Publisert 22.03.2012 kl. 06.00. Oppdatert 26.04.2012 kl. 22.38.

Det er dei som vil hevda det er betre med ski på beina, skal du over Grønland. Det kjem an på.

Kjem til å tenkja på synet som møtte meg i Hustredalen for nokre år sidan. Joggande inn i dette flotte turområdet på beste vestkant trefte eg plutseleg på to karar som kom dragande på kvart sitt bildekk. Såg rimeleg sprøtt ut, sjølv på desse kantar.

Dei trente til turen over Grønland, viste det seg. Og jammen gjennomførte dei med stil, bildekkslitarane Lars Åge Myhre og sonen Eirik. Dagar brukte dei på treninga, dagar brukte dei på turen.

Treninga vil nok ta tid også for oss som skal forsera Grønland i joggesko, men sjølve turen er gjennomført på timar. Eksotiske Grønland i hovudstaden er eitt av områda me passerer på veg til fullført heil- eller halvmaraton laurdag 22. september. Start i Kongens gate, mål på Festningsplassen. Rådhusplassen, Aker Brygge, forbi Operaen, Vippetangen med sitt konditori - i alle fall kan ein nynna Øystein Sunde-visa om dette - og sjølvsagt ein tur innom Karl Johan.

Mykje spennande å gle seg til, når dei stengjer av store delar av Oslo for å sleppa til løparar frå heile landet, og frå mange andre nasjonar. Det ligg an til ein skikkeleg folkefest i hovudstaden denne haustlaurdagen, og det er god tid til å koma i form og vera med på moroa.

I går fann eg fram mine joggesko etter vinterdvalen. I tett duskregn gjekk ferda til Vatnadalen, på skogsvegen frå Isdal. Tenkjer på alle dei flotte turane som ventar, på veg mot det nye målet i Oslo. Der turen over Grønland blir eitt av mange høgdepunkt.

Send gjerne inn kommentarar eller gjesteblogg.

LARS MÆLAND

Maratonblogg
  • Lars Mæland

Tidlegare artiklar

Nett-TV

Jazz på Arena

Jazz på Arena

Slik flytta dei Edvard Grieg

Slik flytta dei Edvard Grieg

Her lagar dei ny bru over E39

Her lagar dei ny bru over E39

Keegan og Totland

Keegan og Totland

Siste saker Gå til framsida

Heile bygda ville heidra Gloppen

Det var ikkje plass til alle som ville få med seg opninga av minneutstillinga til Karl Gloppen laurdag. – Rørande, seier familien.

Mann i 30-åra meldt sakna

Ikkje lenge etter fann politiet mannen i ei grøft på Litlabø. Det sette ikkje vedkommande særleg stor pris på.

Heldt naboane vakne

Mann i 30-åra fekk uventa besøk då han spelte høg musikk natt til søndag.