Gå til artikkelen
Her er det solistane Veronika Nygård (til venstre) og Frida Nygård som øver under rettleiing frå dirigent Lars-Erik ter Jung. FOTO: OLAV RØLI

Unge talent får prøva seg

Tre unge solistar er med når Sunnhordland kammerorkester har konsert på sundag.

Publisert 23.03.2012 kl. 06.15.

Under leiinga av dirigent Lars-Erik ter Jung skal kammerorkesteret framføra musikk av mellom anna Vivaldi, Purcell, C.P.E. Bach, Sibelius og Bartók. I tillegg til orkesteret skal tre solistar bidra under framsyninga. Dei er Gunvald Ottesen på fiolin, medan Frida Nygård og Veronika Nygård skal syngja.
– Det er viktig for oss å gje ungdom i regionen vår eit godt tilbod, seier leiar av Sunnhordland kammerorkester, Eli Haugan.
Det er mellom anna dei unge talenta orkesteret vil visa fram under førestellinga.

Første solo
Ein av dei unge solistane er fiolinist Gunvald Ottesen (18). Etter seks år som medlem i orkesteret har han fått ein del konserterfaring, men sundag blir første gongen han skal fylla ei solistrolle under konsert.
– Eg trur det skal gå greitt, seier han.
18-åringen går siste året på musikklinja, og er aktiv i endå eit orkester: symfoniorkesteret i Bergen.
– Det er kjempefint å vera med i orkestra. Det er kjekt å få erfaringar frå to ulike orkester. Sundag spelar han «Våren» av Vivaldi.
– Eg har øvd det inn i ein periode over jul. Det er eit noko krevjande stykke, seier Ottesen om verket.

Nye talent
Ifølgje leiar Eli Haugan har Sunnhordland kammerorkester allereie vore startorkesteret til fleire talent.
– Me har mellom anna hatt dirigent Eivind Gullberg Jen-sen i orkesteret som ungdom.
Sunnhordland kammerorkester består av ungdommar, vaksne amatørar og profesjonelle musikarar frå Sunnhordland. Orkesteret har som føremål å stimulera strykar-miljøet i regionen gjennom eit samarbeid over kommune-grensene.

Dirigent Lars-Erik Ter Jung og solist Veronika Nygård i bakgrunnen under øving sist laurdag. FOTO: Olav Røli.

Nett-TV

Zahl med hest

Zahl med hest

Glimt frå «Let the good times roll»

Glimt frå «Let the good times roll»

Her blir nedrykket eit faktum

Her blir nedrykket eit faktum

Refleksdagen 2014

Refleksdagen 2014

Siste saker Gå til framsida

Nye tider for trimmen

Jens Rune Kyvik stiller med ny og godt synleg stoppe­klokke i håp om å få pressa tida ned.

Her er Cohen-favorittane

«Tower of song» er favoritt­­låten til Truls Horvei. Sjekk kva forhold gjeste­vokalistane har til Leonard Cohen.