Sunnhordland

Ung

Lars Stokka og Jarand Taraldsøy Rafdal i full sving på diskoteket i Samhald.

Lars Stokka og Jarand Taraldsøy Rafdal i full sving på diskoteket i Samhald.

Svinga seg rundt i oppussa lokale

Etter iherdig dugnadsarbeid svingar gutane og jentene seg i diskoteket på Rommetveit.

På trappa utanfor Samhald sit ein gjeng som nett har vore på dansegolvet.

– Me dansar og me pratar, og så tullar me litt, seier Emilie Hansen Ueland (11) frå Leirvik skule.


Dansekonkurranse

– Det er dritkjekt! Det er gøy å dansa, rista seg laus. Eta godteri, imponera jentene, visa dei korleis dei skal dansa skikkeleg, fortel Lars Stokka (11) og Jarand Taraldsøy Rafdal (11) frå Langeland skule.

Emilie Hansen Ueland forsvinn inn i diskoteket att. Men kjem snart ut.

– No e da dansekonkurranse, vil dåke vera med?

– Ja, me kjem! seier gutane og forsvinn inn dørene.

Gammal travar

– Diskoteket er eit kjempetilbod for ungdommen. Eg veit ikkje om andre plassar på øya med eit tilsvarande tilbod, seier styreleiar i Samhald, Jonathan Zaneski.

Torsdagens diskotek var det første på seks månader, etter problem mellom anna med lyset og det elektriske anlegget i kjellaren. Etter iherdig innsats har diskoteket no starta opp att, nyoppussa og klart.

– Her kan det vera opp til 50-60 ungdommar i slengen på diskoteket, fortel Josefine Lunde (16) på vegner av ungdomsstyret i Samhald.

Saman med andre dugnadsvillige ungdommar og vaksne, har dei brukt dei siste månadene på å pussa opp kjellaren på Samhald. Med mellom anna nytt lys, møblar og nye fargar på veggene.

– Det har vorte mykje meir moderne her nede, seier Lunde.

Tidlegare kyrkje

Diskoteket på Samhald vert arrangert siste torsdagen kvar månad og er for 4. til 7.-klassingar på Stord, med ungdommar opp til 16-årsalderen i eit eige ungdomsstyre. Av tryggleiksmessige årsaker er det alltid vaksne til stades. Målet er å gje ungdommen eit godt fritidstilbod, samstundes som ein styrkar den framtidige dugnadsånda på Samhald.

Samhald er opphavleg ei kyrkje frå Skånevik, som vart flytta med lekter til Stord i byrjinga av 1900-talet. Bygget vert leigd ut til sosiale samkomer, alt frå bryllaup til barnedåp og konfirmasjon.

Jonathan Zaneski rosar den kraftige dugnadsånda kring Samhald og peikar særskild på støttemedlemskapa.

– Utan dei hadde ingenting av dette vore mogleg.

Josefine Lunde (16) og venninna Helene Westerheim (17) styrer dansegolvet frå DJ-pulten.

Josefine Lunde (16) og venninna Helene Westerheim (17) styrer dansegolvet frå DJ-pulten.

Emilie Hansen Ueland kosar seg på diskotek.

Emilie Hansen Ueland kosar seg på diskotek.

Popkorn må til.

Popkorn må til.

Snop høyrer også med på disko.

Snop høyrer også med på disko.

Jonathan Zaneski vil at ungdommen skal styra seg mest mogleg sjølv.

Jonathan Zaneski vil at ungdommen skal styra seg mest mogleg sjølv.

Jacob Molland (14) og Annelise Svåsand (15) styrer kafeen. – Det er kjekt å gjera noko anna enn å sitja heime, seier dei.

Jacob Molland (14) og Annelise Svåsand (15) styrer kafeen. – Det er kjekt å gjera noko anna enn å sitja heime, seier dei.






Siste saker frå Sunnhordland.no

Vil byggja draume­bustadar for golfarar

Vil byggja draume­bustadar for golfarar

- For dei som likar å spela golf, så må dette vera plassen å bu, meiner Ottar Grødem.

Vil greia ut arm til Bergen

Vil greia ut arm til Bergen

Regjeringa si ferske kvalitetssikringsrapport tilrår utgreiing av arm frå Bergen til E134. Det gler forkjemparane for Sunnhordlandsdiagonalen.


Rekord­mange parkerings­bøter på Leirvik

Rekord­mange parkerings­bøter på Leirvik

Trass i at det har blitt gratis å parkera i sentrum, blir det skrive ut fleire bøter. Ingebrigt Sørfonn saknar informasjon om ordninga.

Internasjonal familiebedrift i utkanten

Internasjonal familiebedrift i utkanten

Røo på Halsnøy er ikkje blant dei mest urbane stadene, ikkje ein gong i kvinnheradmålestokk. Men her har det internasjonale dataselskapet Adonis AS hovudkontoret sitt.


Stor auke i seksuallovbrot

Stor auke i seksuallovbrot

På to år har talet på seksuallovbrot i politidistrikt Vest auka med 60 prosent.

Håkon Frode og Gyri nyttar mindfulness kvar dag

Håkon Frode og Gyri nyttar mindfulness kvar dag

For Håkon Frode Særsten og Gyri Nysæter er meditasjon ein del av dei daglege gjeremåla.