I ei russeulukke på Sørlandet for nokre år sidan velta russebilen, og flasker med 96 prosent sprit vart tømt over eit glovarmt stereoanlegg. Fleire russeungdommar brann i hel inne i bilen. Dette biletet er frå trafikkdagen i 2008, då ein bilbrann vart demonstrert. FOTO: PER EGIL LARSEN
Trafikk på timeplanen
I dag står trafikken på dagsordenen for 900 elevar ved Stord vidaregåande skule.
– Eg trur dagen kan by på sterke opplevingar for mange og einkvar, seier Per Ove Sercan Husevik.
Realistisk innsyn
Han er prosjektansvarleg for trafikkdagen «t 15-24», som i år går av stabelen for femte gongen. Prosjektet har teke namnet etter aldersgruppa som er mest utsette i trafikken.
– Dette er Stord vidaregåande skule sitt prosjekt, i samarbeid med redningsetatane og politiet, seier Husevik.
Han tykkjer prosjektet, sidan oppstarten i 2004, har gjeve elevane eit godt og realistisk innsyn i dei mange og viktige aspekta rundt trafikk og tryggleikstenking, seier han.
Kollisjon
I dag vil elevane blant anna få demonstrert ein kollisjon i 80 km/t. Brannstellet vil også setja fyr på ein bil, for å illustrera korleis det artar seg. Og ikkje minst så vil elevane få treffa ein trafikkskadd ungdom.
– I samband med det vert det ei minnemarkering over omkomne i trafikken i vårt distrikt, fortel Husevik.
Mest lese på Sunnhordland.no
Siste saker frå Sunnhordland.no
Lovar kamp for private barnehagar
Sigbjørn Framnes (Frp) vil gje fritak for eigedomsskatt til dei private barnehagane.
– Avvika i BUP er alvorlege
Direktør for psykisk helsevern, Kenneth Eikeset, har ein plan for å løysa utfordringane knytt til BUP Stord/Kvinnherad.
Fekk landslagstrenar i premie
Skiforbundet sende landslagstrenaren til Føyno etter at Aker Solutions på Stord blei tildelt friskhetsambassadørprisen i fjor.
