Gå til artikkelen
Robert Skogvold fortalde elevar i vidaregåande skule om korleis ulukka snudde opp ned på livet hans. Og kor stort det var å klara å pussa tennene sine sjølv igjen. Kvardagen etter ulukka har vore trening og trening, og då han for første gong etter ulukka skulle klara å leggja seg sjølv, bruka han tre timar. FOTO: PER EGIL LARSEN.

Bilturen snudde om på livet

Robert Skogvold (22) skulle berre ein kjapp tur til Leirvik. Han kom til Heiane. Så hamna han i rullestol og måtte læra å pussa tennene på nytt.

Publisert 04.05.2012 kl. 09.10. Oppdatert kl. 09.22.

– Å ta sjølv ein liten sjanse, kan få utruleg store konsekvensar, seier Robert Skogvold.

Det veit han alt om. Ein aprilkveld i 2011 skulle han ein kjapp tur til Leirvik. Farta var litt for stor, og ferda enda i skogen på Heiane.

Robert var passasjer, og berga så vidt livet.

I går, på trafikkdagen, snakka han framfor 900 elevar frå vidaregåande skular i Sunnhordland om korleis livet kan snu dramatisk i løpet av sekund.

Her kan du sjå video frå trafikkdagen.

Fisking og snowboard
Før ulukka var Robert Skogvold ein aktiv ung mann, med jobb i Sunnhordland kraftlag og mange interesser.

Han levde livet med fisking, snowboard, skateboard og mekking på bil. No sit han i rullestol, lam frå brystet og ned. Armane fungerer, men berre så vidt.


Livet i rullestol
Han kjenner litt i høgre stortå og i høgre okle. Oppover armane kjennest det ut som nokon har hatt ein brennmanet eller brennesle.

– Korleis er det å sitja i rullestol? Jo, det er eit fantastisk hjelpemiddel. Men det er tungt. Eg har nedsett styrke og lungefunksjon, og lågt blodtrykk. Ein liten oppoverbakke, og det startar å svimla for meg. Og sidan eg ikkje kan gripa skikkeleg med nevane, så er det vanskeleg å bremsa og å bruka han i regnvêr, forklarar 22-åringen, som no har flytta heim til foreldra som har tilrettelagt huset.

I dagens papirutgåve av Sunnhordland kan du lesa meir om livet til Robert. Du du kan og lesa kor sterkt inntrykk han sitt foredrag gjorde på elevane.

Nett-TV

Blei henta av politiet

Blei henta av politiet

Slik opna 100 dagar

Slik opna 100 dagar

Her frir Preston til Linda

Her frir Preston til Linda

Tuva (15) vil bli best

Tuva (15) vil bli best

Siste saker Gå til framsida

Abonnent

Senior-NM er neste mål

Simon Aadland (19) held høg fart i bassenget om dagen, og var nær ved å trua klubb­rekorden til Odd Arne Lillebø.