Forhandlingane held fram

Det vert forhandla både i Fitjar, Bømlo og Stord onsdag kveld.

Nyhende

11. Sep 2019 18:3711. Sep 2019 19:14

Ingvild Siglen Berger

Klokka 17.00 starta kveldens forhandlingar mellom Ap, KrF, Sp, SV og MDG på Bømlo.

- Eg har ikkje så mykje nytt å melda. No set med oss ned saman, og det vert ein spanande kveld, seier Torunn Laurhammer (Ap) til Sunnhordland.

Ho kan verta den nye ordføraren på Bømlo, trass i at Høgre gjorde eit betre val enn Arbeidarpartiet.

- Det er vanskeleg å seia kor lang tid forhandlingane vil ta, men me har som mål å koma vidare i kveld, seier Laurhammer.

På Fitjar er det KrF, Sp og Frp som forhandlar. Leiar i forhandlingsutvalet til KrF, Bård Inge Sørfonn, seier at det framleis er litt som står att. Det er i første omgang posisjonar ein har snakka om i Fitjar, før ein deretter har hatt interne rundar i partia.

- Eg veit ikkje sikkert, men truleg kjem det ingenting frå oss i kveld, seier han.

På Stord har Senterpartiet drive sonderingar både til høgre- og venstresida. Ordførarkandidat Jakob Bjelland har tidlegare peika på at Sp tradisjon tru vil forhandla saman med KrF. 

- Vert nok ikkje noko endeleg konklusjon i kveld, skriv Bjelland i ein SMS til Sunnhordland onsdag kveld. 

Sigbjørn Framnes i Frp stadfestar at det ikkje er avtala noko forhandlingsmøte mellom partia på høgresida i kveld.

- Me sit og jobbar med noko, men må koma tilbake til det. No jobbar me kvar for oss, seier Framnes.

Få med deg alt om valet her!

Syklist fekk skadar i ansiktet

Onsdag ettermiddag rykte politi og ambulanse ut til ein kollisjon mellom sykkel og bil.

Nyhende

11. Sep 2019 15:5811. Sep 2019 16:05

Ingvild Siglen Berger

Ulukka skal ha skjedd i Hollundsvegen mellom Svortland og Urangsvåg på Bømlo.

Politiet fekk melding klokka 15.24,

- Det som er meldt inn frå patruljen er at syklisten skal ha køyrd inn i ein bil bakfrå, seier operasjonsleiar Toralv Skårland i Sørvest politidistrikt til Sunnhordland.

Syklisten skal ha fått skadar i ansiktet og i ein skulder.

- Personen var bevisst heile tida og får vidare behandling på legevakta, seier operasjonsleiaren.

Det er ikkje meldt om trafikale problem på staden.

Ventar 50-80 mm nedbør på eitt døgn

I store delar av landet kan det komma mykje snø i fjellet dei neste dagane. På Vestlandet er det varsla jord- og flaumskredfare som følgje av kraftig regnvêr.

Nyhende

11. Sep 2019 13:3111. Sep 2019 13:33

NPK-NTB

Det blir venta mykje snø i fjellet i Sør-Noreg frå torsdag kveld, medan det kan komma snø frå 500 til 800 meters høgde i både Trøndelag, Nordland og Troms fredag.

Meteorologane har sendt ut gult farevarsel.

På Vestlandet fører kraftige byer til jord- og flaumskredfare. Faren aukar frå torsdag ettermiddag i Hordaland, Sogn og Fjordane og delar av Møre og Romsdal.

Det er venta opp mot 50 til 80 millimeter nedbør på eitt døgn. Lokalt kan det komma mellom 30 og 50 millimeter regn på seks timar.

- Grunnvasstanden og vassmetningsgraden i bakken er somme stader høg, åtvarar NVE på varslingstenesta varsam.no.

NVE har sendt ut gult farevarsel.

Dagens kleskode på #Vestlandet er regnjakke og gummistøvler 🥼🌧️ Det blir regn og regnbyger, og det kan komme 30 til 50 millimeter i løpet av dagen. Det kan komme noe #Østafjells også, men her er det heller snakk om fem til ti millimeter i løpet av dagen 🌂 pic.twitter.com/8QB5iZozR7

— Meteorologene (@Meteorologene) 11. september 2019

Det er sendt ut gult farevarsel om mye snø i fjellene i #SørNorge fra torsdag kveld ⚠️❄️ Bruk riktige dekk og kjør etter forholdene! pic.twitter.com/Gv4t0CRoiG

— Meteorologene (@Meteorologene) 10. september 2019

Kværner etablerer gigantisk brakkeleir på Heiane

Treng meir plass.

Nyhende

11. Sep 2019 09:2411. Sep 2019 11:03

Magne Kydland

- På grunn av stor aktivitet i Njord-prosjektet, og stigande aktivitet i prosjekta Johan Castberg og Johan Sverdrup fase 2 RP-modifisering, vil det ein periode framover vera behov for auka leirkapasitet på Stord. Kværner har difor gjort avtale med Heiane Vest AS og Stord Innkvartering AS for etablering av ein mellombels leir på Heiane.

Det skriv Kværner i ei pressemelding.

Tidlegare var det snakk om fleire alternativ, blant anna vart det søkt om å få leggja eit losjiskip til kai ved Leirvik AS. No har Kværner i staden landa på brakkeleir på Heiane.

- Det vil bli etablert åtte bustadriggar og kantine, med ein total kapasitet på 350 rom. Leiren vil i første omgang bli etablert for ein periode på seks månader, men med opsjon på ytterlegare fire månader. Leiren på Heiane kjem i tillegg til leiren på Kjøtteinståa, som har ein kapasitet på ca. 1000 rom. Arbeidet med prosjektering og opparbeiding av leiren på Heiane er allereie i gang. Første del av leiren er venta å stå klar i slutten av oktober, medan full leirkapasitet skal vera klar i byrjinga av desember, melder Kværner.

Kommunikasjonssjef Odd Naustdal har tidlegare opplyst til Sunnhordland at det på det meste vil vera rundt 3.000 personar i arbeid på Kjøtteinen utover hausten og vinteren, etter kvart som aktiviteten aukar i Johan Castberg-prosjektet og Johan Sverdrup RP modifikasjons-prosjektet.