annonse

– Heilt konge

På heimebane
På heimebane: Janove Ottesen trakk fullt hus på Arena. (Foto: ANITA HAUGLAND)
Publikum
Publikum: Kameratane Per Martin Vatna (t.v.), Jens Nesse og Ronny Bekkenes var svært nøgde med konserten. (Foto: ANITA HAUGLAND)
Fremst
Fremst: Monika Fardal (t.v.) og Helga Marie Flatland frå Bømlo sikra seg god plass på konserten. (Foto: ANITA HAUGLAND)
Konsert

Ein energisk Janove Ottesen leverte varene då han kom til Stord.

  • Anita Haugland

– Og meg og deg! syng dei tre kameratane Per Martin Vatna (26), Jens Nesse (28) og Ronny Bekkenes (29) frå Stord.

Dei er ikkje åleine om å syngja med på songane til Janove Ottesen denne kvelden.

Populær konsert

I februar 2017 slapp Janove Ottesen sitt første norskspråklege soloalbum «Artisten & Marlene». Den etterfølgjande turneen blei svært populær, og han trakk mellom anna fullt hus då han kom til Arena i fjor. Den 19. januar i år slapp han oppfølgjaralbumet «Hengtmann», og på laurdag var han tilbake på Stord for å halda konsert. Ifølgje konsertarrangør Geir Kannelønning blei billettane rivne vekk på to dagar etter at dei blei lagt ut.

– Han der er skikkeleg fan! seier Per Martin Vatne, og peiker på kameraten Jens Nesse, som nikkar bekreftande.

– Me kunne sjølvsagt ikkje høyra på noko anna enn Janove-musikk då me var på vors tidlegare i kveld. Me måtte jo varma skikkeleg opp, seier 28-åringen.

Han gir konserten 10 poeng, på ein skala frå éin til ti.

– Kva er det som er så bra med denne konserten?

– Variasjonen i musikken, og energien hans på scenen, meiner Nesse.

Han høyrer gjerne på musikken hans i kvardagen også, og i fjor, under Tysnesfest, var han på konsert med Janove for første gong.

Fullt hus

Inne i lokala på Arena står publikum tett i tett denne kvelden, frå scenekanten til bakarst i lokalet. Til og med oppe ved shuffleboardet står folk tettpakka. Framme ved gjerdet er publikum med og diggar musikken frå start.

– Musikken er skikkeleg fengjande, sjølv om eg må innrømma at eg ikkje har høyrt så mykje på han frå før. Eg kjem nok til å høyra meir på denne musikken framover, seier Ronny Bekkenes.

Han trur det var bra for Janove at han brøyt med Kaizers Orchestra, for å gjera si eiga greie.

– Musikken er mykje betre live, rett og slett heilt konge, seier Bekkenes.

– Det har vore ein fin kveld for oss – har det vore det for dykk? spør Janove Ottesen frå scenen.

– Jaaaaaa! svarer publikummarane, høgt og tydeleg i kor.

anita@sunnhordland.no

Klikk for å sjå kommentarar ()

Her kan du fritt koma med synspunkt og informasjon. Me krev fullt navn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på sunnhordland.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Sunnhordland?

* må fyllast ut