annonse

«Frp kjempar for mindre bompengar i Hordaland»

Nei til bompengar
Nei til bompengar: Helge Andre Njåstad (t.h.) meiner bompengepartia bommar i kritikken av Frp. Her med samferdsleminister Jon Georg Dale på Sandvikvåg. (Foto: Ingvild Siglen Berger)

  • Meiningar

Det er ikkje i det minste rart at engasjementet mot bompengar aukar i befolkninga når det på lokalpolitikarar sine initiativ dukkar opp den eine bompakken etter den andre. Verst er det i Bergen der heile byen rammes inn ikkje bare av ein, men av to bomringar for at dei som kjører bensin og dieselbilar skal melkes slik at dei som slepper å hente og levere barn i barnehage og må kjøre til fritidsaktiviteter skal få billegare kollektivtilbod. Frp har alltid protestert mot denne urettferdige og dyre måten å kreve inn pengar på.

No er heldigvis svært mange enig med oss. Dette har bompengepartia som heier på denne urettferdige ordninga lokalt og sentralt skjønt og vil forsøke å skape eit inntrykk av at Frp ikkje har lykkast i vår kamp mot bompengar. Det gjer meg anledning til å avlive nokre mytar og komme med litt fakta.

Frp har fått til mykje, men me er ikkje i mål i vår kamp mot bompengane.

I Hordaland har me sørga for at både Hardangerbrua og Vossepakken er blitt billigare. Dette gjennom løyving i statsbudsjettet som dei rødgrøne partia stemte imot.

Halsnøysambandet blir nedbetalt av staten og blir gratis lenge før tida fordi Frp kjemper mot bompengar og får gjennomslag for nokre steg i rett retning.

Så er det rett at me også med våre 15 % går på nokre tap i regjering og storting. Regjeringa sa til dømes nei til å krevje inn bompengar på ferja mellom Halhjem og Sandvikvåg som lokalpolitikarane sør i fylket ville. Dette snudde stortinget med Arbeiderpartiet i spissen og mot stemmene til Frp i stortinget blei det bompengar likevel.

Me har også i vår regjeringstid redusert talet på bompengeselskap for å få ned kostnadane til innkrevjing.

9. september er det lokal- og fylkestingsval. Alle bompengeinitiativ kjem frå kommunestyrer og fylkesting. Det er difor svært viktig å stemme på Frp om man er lei bompengane. Så om 2 år er det ny sjanse å sette saman eit storting der meir enn 15% av stortinget er bompengemotstandarar.

Helge Andre Njåstad,
stortingsrepresentant frå Hordaland

Klikk for å sjå kommentarar ()

Her kan du fritt koma med synspunkt og informasjon. Me krev fullt navn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på sunnhordland.no. Falske profiler blir utestengde. Ver sakleg og vis respekt når du kommenterer.

annonse

Vil du ha nyheitsbrev frå Sunnhordland?

* må fyllast ut