annonse

Bilferje i redningsaksjon

To ferjeavgangar er kansellerte på grunn av ein pågåande redningsaksjon. Illustrasjon
Redningsaksjon: Google Maps

Då forskningsfartøyet Geosea fekk maskinstans, retta bilferja Raunefjord kursen mot Selbjørnsfjorden for å hjelpa.

Anita Haugland

Onsdag ettermiddag sende Fjord 1 ut melding om at ferjeavgangen klokka 16.00 frå Halhjem og klokka 16.45 frå Sandvikvåg er kansellert på grunn av eit pågåande redningsoppdrag. Erik Willarsen i Hovudredningssentralen seier til Sunnhordland at redningsoppdraget no har gått over til å bli eit slepeoppdrag. 

- Forskningsfartøyet Geosea fekk maskinstans medan dei var i Selbjørnsfjorden. Me sende umiddelbart ut melding der me spurde om det var nokre fartøy i nærleiken, som kunne hjelpa. Bilferja "Raunefjord" kom først på plass, men etterkvart tok Ringafjord over. "Raunefjord" er no på veg tilbake for å gå i vanleg rute, seier Willarsen.

Han seier at Geosea blir slept innover i fjorden, medan dei prøver å fiksa opp i problema.

- Går ikkje dette vil fartøyet bli slept i land.  

Sunnhordland har førebels ikkje lukkast med å få ein kommentar frå Fjord1.

Det er sju personar ombord i Geosea. Willarsen kjenner ikkje til om det var passasjerar ombord i "Raunefjord" då ferja retta kursen mot fartøyet.

Klikk for å sjå kommentarar ()

Her kan du fritt koma med synspunkt og informasjon. Me krev fullt navn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på sunnhordland.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Sunnhordland?

* må fyllast ut