annonse

Desse møter Stord i NM-semien

SEMIFINALE-KLARE:
SEMIFINALE-KLARE: Stord j16 jubla etter sigeren over Viking førre torsdag. Om ein månad møter dei Stabæk i semifinalen. (Foto: ØYVIND MELLEMSTRAND)

Stord J16 blei historiske då dei kjempa seg til semifinalen i NM førre torsdag.

Marius Knutsen

Tysdag blei det kjent at Stord-jentene møter Stabæk i semifinalen. Den skal mest truleg spelast laurdag 21. oktober heime på Vikahaugane. 

– Me håpte på heimekamp og det fekk me. No får me berre håpa endå fleire tek turen for å sjå, seier Stord-trenar Øyvind Mellemstrand.

Heile 400 tilskodarar fekk nemleg med seg kvartfinalen mot Viking førre torsdag. Då blei Stord-jentene historiske då dei kjempa seg vidare til semifinale i NM. Kampen vann dei 3-2.

Ein av dei som let seg imponera var Sunnhordland sin journalist, Kjetil Østrem.

– Eg er ein fotballnerd, og fotballen gjev meg ein slags uforklarleg glede så å seia kvar dag – året rundt. Men eg må innrømma: Torsdagens J16-kamp er noko av det kjekkaste eg har sett i heile mitt liv, skreiv Østrem i ein kommentar etter kampen.

LES OGSÅ

No startar jobben

– Alle dei tre laga me kunne møta er gode, så eg trur ikkje det er så stor skilnad. Samtlege har landslagsspelarar. No startar jobben for å bli kjent med motstandarane, seier Øyvind Mellemstrand til Sunnhordland.

Tiller og Herd er dei andre laga som er klare for semifinalen. Medan Stord sin motstandar, Stabæk slo Snøgg 4-0 i sin kvartfinale, vann Tiller den jamne kampen mot Fløya 2-1. Herd slo Vålerenga på nye Vålerenga kultur- og idrettspark heile 3-0. Herd møter difor Tiller i den andre kampen 22. oktober.

Sterk motstandar

Ifølgje Budstikka.no er det eit sterkt lag som møter Stord i semifinalen om ein månad. Tysdag førre veke vant Stabæk j16 heile 6-0 borte mot Asker i 1. divisjon. Sigeren sikra at laget blei både serie- og krinsmeistrar. 

Klikk for å sjå kommentarar ()

Her kan du fritt koma med synspunkt og informasjon. Me krev fullt navn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på sunnhordland.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Sunnhordland?

* må fyllast ut