annonse

Fann søkkt båt utanfor Halsnøy

FUNN AV BÅT
FUNN AV BÅT: Hovudredningssentralen er ute etter informasjon om båtfunnet utanfor Skarvasteinen på Halsnøy nyttårsaftan. (Foto: STATENS KARTVERK / SUNNHORDLAND)

Redningsskøyta R/S «Sundt» fekk leiteoppdraget.

Henrik Mundal Andreassen

Nyttårsaftan klokka 15:35 meldte Vest Politidistrikt om observasjonar av baugen til ein søkkt båt i sjøen utanfor Skarvasteinen på Halsnøy.

– Båten er halvt nedsøkkt om lag 200 meter utanfor Halsnøy Kloster, skreiv politiet på Twitter.

Hovudredningssentralen engasjerte redningsskøyta R/S «Sundt» på Eldøyane, som rykte ut til staden.

Klokka 18:20 opplyser Vest Politidistrikt til Sunnhordland at båten vart funnen av R/S «Sundt». Det er sannsynlegvis snakk om ein lausriven småbåt. Redningsskøyta hadde ikkje mogelegheit til å få med seg båtvraket, og Kystverket har fått oppdraget med fjerna båten i løpet av dei neste dagane.

Det er sterk vind i Halsnøyfjorden kvelden nyttårsaftan, men politiet trur ikkje det er snakk om at nokon kan ha vore i havsnaud på staden.

Klikk for å sjå kommentarar ()

Her kan du fritt koma med synspunkt og informasjon. Me krev fullt navn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på sunnhordland.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Sunnhordland?

* må fyllast ut