annonse

Kværner satsar sterkare på opphogging

Skal hogga meir
Skal hogga meir: Kværner har kjøpt naboverksemda GMC Decom, og satsar dermed endå meir på demolering av gamle installasjonar i åra som kjem. Arkivfoto (Foto: )

Kværner kjøper naboen GMC Decom på Eldøyane.

Magne Kydland

Kværner har inngått avtale om å kjøpa demoleringsverksemda GMC Decom på Eldøyane. Prisen er ikkje kjent.

– Oppkjøpet gjev Kværner tilgang til ekstra landareal og utstyr, som både vil betra effektivitet og tryggleik ved Kværner sitt demoleringsanlegg, skriv selskapet i ei pressemelding.

Dermed satsar Kværner endå meir på demolering framover, noko selskapet ser på som eit vekstsegment dei neste tiåra.

I fjor vann Kværner to opphoggingskontraktar, som no er under gjennomføring. I tillegg har selskapet nyleg inngått kontrakt for opphogging og attvinning av to offshoreplattformer, Varg A og plattformdekket og brua frå Valhall QP-plattforma.

Når Kværner no kjøper naboen på Eldøyane, vil storleiken på Kværner sitt demoleringsanlegg auka med 35 prosent.

– Sjølv om oppkjøpet er smått i eit finansielt perspektiv, vil overtakinga gje oss verdfull kompetanse, utstyr og areal som aukar vår kapasitet og konkurranseevne i dette vekstsegmentet, seier Hans Petter Mølmen, som er Kværner sin konserndirektør med ansvar for «Concrete & New Solutions».

Vidare vil Kværner til hausten få i drift ei stasjonærsaks som kan klippa stålstrukturar som er opptil åtte meter lange, og 150 millimeter tjukke.

Kaiutvidinga, som nyleg er vedteken, vil også gje fordelar knytt til demoleringsverksemda.

– Kaiinvesteringa gjer oss i betre stand til å jobba med fleire store og mindre prosjekt parallelt, og det vil gje oss større fleksibilitet, seier Mølmen.

Les også: Går i gang med gigantkaien på Kjøtteinen

Klikk for å sjå kommentarar ()

Her kan du fritt koma med synspunkt og informasjon. Me krev fullt navn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på sunnhordland.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Sunnhordland?

* må fyllast ut