annonse

Kvinne i 50-åra mista livet

ULUKKE
ULUKKE: Kvinne i 50-åra omkom. (Foto: Ole Alexander Saue)

Tragisk utfall etter trafikkulukke på Bømlo torsdag kveld.

Marius Knutsen

Då klokka var 17.36  fekk politiet ei melding om ei stygg utforkøyring ved Rubbestadneset på Bømlo.

– Då ringde vitne oss. Dei hadde sett ein bil køyra gjennom støyskjermen på staden og ut i grøfta, seier operasjonsleiar ved Sørvest politidistrikt, Tore Frøyland-Jensen.

Sjåføren var ei kvinne i 50-åra. Ho var den einaste i bilen. 

Alle naudetatar rykka ut til Bømlo. Då politiet kom til staden, var allereie ambulansepersonell og brannmenn på staden og arbeidde på ulukkesstaden. 

– Skadene var så alvorlege at førstehjelpsarbeidet blei avslutta på staden, held Frøyland-Jensen fram.

Kriminalteknikarar og ulukkesgruppa til Statens vegvesen kjem til å arbeida på ulukkesstaden utover kvelden.

– Me veit endå lite om hendelsesforløpet, seier Frøyland-Jensen.

Klikk for å sjå kommentarar ()

Her kan du fritt koma med synspunkt og informasjon. Me krev fullt navn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på sunnhordland.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Sunnhordland?

* må fyllast ut