annonse

Mann i 30-åra til sjukehus etter trafikkulukke

KOLLISJON
KOLLISJON: Onsdag ettermiddag har det skjedd eit trafikkuhell på Stord. (Foto: MARIUS KNUTSEN/ILLUSTRASJON)

Onsdag ettermiddag har det vore eit trafikkuhell i Hystadvegen på Stord.

Ingvild Siglen Berger

Der hadde det skjedd ein påkøyrsel bakfrå, då ein bil stansa for eit born som skulle over eit fotgjengarfelt og bilen som kom bak den igjen ikkje klarte å stoppa i tide.

Det opplyser operasjonsleiar Olaug Bjørnsen i Sørvest politidistrikt.

Operasjonsleiaren fortel at sjåføren av bilen som køyrde i den første bilen bakfrå, ein mann i 30-åra, vart sjekka av helsevesenet på staden og så køyrd til sjukehuset på Stord.

– Han står ikkje fram som alvorleg skada, men skadeomfanget er ukjent, seier Bjørnsen.

Den andre bilføraren skal vera ein mann i 50-åra. Politiet tek avhøyr av han på staden.

Barnet vart ikkje skadd i hendinga, og er teken hand om. Naudetatane fekk melding om ulukka klokka 17.10.

Det var ei stund trafikale problem i området. Bilbergar kom til, og klokka 18.19 vart begge køyrefelt opna att.

Klikk for å sjå kommentarar ()

Her kan du fritt koma med synspunkt og informasjon. Me krev fullt navn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på sunnhordland.no. Falske profiler blir utestengde. Ver sakleg og vis respekt når du kommenterer.

annonse

Vil du ha nyheitsbrev frå Sunnhordland?

* må fyllast ut