annonse

Over 3.000 har røysta før valdagen

GENERAL
GENERAL: Marit Anne Åkra er øvste ansvarleg for valet i Stord kommune. Ho reknar med at klokka fort vert både 2 og 3 i natt før endeleg resultat er klart. (Foto: MARIUS KNUTSEN/ARKIV)

Klokka 21 i kveld kjem svaret på kva om lag 23 prosent av Stord sine veljarar har røysta.

Olav Røli

Talet over dei som har førehandsrøysta i Stord kommune er ifølgje valgeneral Marit Anne Åkra 3.150. Dei som skulle røysta på førehand måtte gjera det før helga.

– Totalt er det om lag 14.000 røysteføre i Stord kommune, seier Åkra.

Ifølgje Åkra er det cirka 1.000 personar fleire som har førehandsrøysta i årets kommuneval, samanlikna med førre val for fire år sidan.

– Men det var om lag om lag 1.000 fleire som førehandsrøysta til stortingsvalet for to år sidan, seier Åkra.

Resultatet frå førehandsrøystinga kjem til å verta lagt ut på sidene valgresultat.no klokka 21 i kveld. Men det endelege valresultat for Stord er nok ikkje klart før seint i kveld eller natt.

– Eg skal jobba til me er ferdige i natt. Klokka vert fort både 2 og 3 før me er ferdige, seier Åkra.

Under årets val i kommunen skal ein også telja opp kor mange som er og leverer røyster mellom klokka 20 og 21.

– Me fekk eit spørsmål i valstyret om kor mange som er ute i dette tidsrommet, og om me kan vurdera å stengja tidlegare. Difor tek me no ei teljing for å sjå, seier Åkra.

På Fitjar har 331 personar, av totalt 2.438 personar, levert førehandsrøyst. 

LES FLEIRE SAKER FRÅ VALDAGEN:

Jan (78) meiner det er ei plikt å røysta

Anette (32) var første kvinne ut i Sagvåg

Klikk for å sjå kommentarar ()

Her kan du fritt koma med synspunkt og informasjon. Me krev fullt navn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på sunnhordland.no. Falske profiler blir utestengde. Ver sakleg og vis respekt når du kommenterer.

annonse

Vil du ha nyheitsbrev frå Sunnhordland?

* må fyllast ut