annonse

Sat fast i bilen etter utforkøyring

TYSNES
TYSNES: Ein bil har køyrd av vegen ved Skorpevegen på Tysnes. (Foto: MARIUS KNUTSEN/ARKIV)

Førar med born i bilen.

  • Ole Alexander Saue

Laurdag kl. 18.41 skreiv politiet i Hordaland at ein bilførar, med eit born, køyrd av vegen ved Skorpevegen på Tysnes.

– Det er snakk om ei kvinne, med ein fem år gamal son, som har vore uheldig og køyrd av vegen, seier Lars Geitle i Vest Politidistrikt til Sunnhordland.

Sonen har komen seg kjapt ut av bilen uskada, medan føraren måtte få hjelp av brannvesenet for å koma seg ut av bilen etter å ha sete fastklemt.

– Ho får ikkje laus beina. Bilen har nok fått seg ein god skrell, i og med at ho ikkje kjem seg ut. Det er truleg snakk om ein deformasjon av bilen, sa Geitle vidare.

Både helse-, brannvesen og politi vart send ut for å bistå.

Klokka 19.12 skriv brannvesenet på Twitter at personen er frigjeve og vert teken hand om av helsepersonell.

Klikk for å sjå kommentarar ()

Her kan du fritt koma med synspunkt og informasjon. Me krev fullt navn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på sunnhordland.no. Falske profiler blir utestengde. Ver sakleg og vis respekt når du kommenterer.