Nettkamera
Leirvik, Stord
Her ser du utsikten frå redaksjonen til Sunnhordland på Leirvik, inn mot gjestehamna i Evjo. Hamna er knutepunkt mellom snøggbåtar og busstrafikk i Sunnhordland. I sentrum er det eit variert tilbod innan handel, kultur, uteliv og offentleg verksemd. Gratis trådlaust breiband i hamna.
Torget, Stord
Kameraet viser Torget på Leirvik og deler av Borggata frå Stord rådhus på Leirvik. Torget er Stord kommune sin tusenårsstad. På torget får ein kjøpt frukt, grønsaker, fiskemat, blomar og anna. Leirvik er regionsenter i Sunnhordland og administrasjons- senter i Stord kommune. Stord vart by i 1997 og er den største byen i verda som har nynorsk som skriftspråk.
Stord lufthamn Sørstokken
Kameraet viser utsikten mot Stord lufthamn Sørstokken. Lufthamna blei opna i 1985. Rullebanen er 1.460 meter. Nytt terminalbygg vart teken i bruk i august 2001, og ny brannstasjon kom i 2008. Faste ruter til Oslo.
Svortland, Bømlo
Svortland er kommunesenteret i Bømlo, og har ei rad butikkar, fleire offentlege kontor, nokre kafear og eit hotell.
Husnes båthamn, Kvinnherad
Husnes er største tettstaden i Kvinnherad. Her finn du over 50 butikkar, helsesenter, hotell, fleire restaurantar, idrettsanlegg, offentlege kontor og hjørnesteinsverksemda Sør-Norge Aluminium. Gjestehamna er kåra til den beste i Noreg to år på rad. Her er gratis trådlaust breiband, grill og høve for fotball, volleyball, hesteskokasting og golf.
Vabakkjen, Stord
Krysset mellom E39 og og FV544 på Vabakkjen er ofte tungt trafikkert. Kameraet er frå Statens vegvesen.Mehammar, Stord
Kameraet til Statens vegvesen viser føret på E39 ved Mehammar på austsida av Stord.Høylandsbygd, Kvinnherad
Høylandsbygd ligg i sør-austre enden av øya Halsnøy i Kvinnherad, ved Høylandssundet. Bygda har litt over 400 innbyggjarar og folketalet i industribygda veks. Eide-Gruppen og Bergen Yards Halnøy Verft er dei største verksemdene. Det er butikk i bygdatunet. Nettkameraet er henta frå www.hoylandsbygd.no.
Kulleseidkanalen, Bømlo
Kulleseidkanalen stod ferdig i 1856, og er i dag ein populær attraksjon for båtturistar. Kanaldagane, første helga i september, samlar mange tilreisande. Like ved vegen ligg matbutikk og bensinstasjon.
Fitjar
Kommunesenteret på Fitjar har ei rad butikkar, kafe, bank, hotell, vidaregåande skule, kultur- og idrettsbygg. Bygda er kjent for revyane sine. Bak forretningsbygget du ser på biletet, ligg det ei god gjestehamn med gratis trådlaus breiband.Sæbøvik, Kvinnherad
Halsnøy vert kalla "perlo" i Sunnhordland. Det bur like over 2000 menneske på øya. Sæbøvik er sentrum. Her er skule, samfunnshus, bakeri, kafear og fleire butikkar. Høgdepunktet kvart år er fiskefestivalen som samlar fleire tusen menneske. Biletet er henta frå fjordferie.net. I bakgrunnen til venstre ser du Fjelberg og Borgundøy.
Langevåg, Bømlo
Kameraet viser hamna i Langevåg og Langevåg bygdatun frå kontora til reiarlaget Eidesvik. Langevåg er den sørlegaste tettstaden på Bømlo. Herifrå går det ferje til Buavåg i Sveio. Langevåg Bygdatun er eit fleirbrukshus med kultur- og konferansesal og idrettshall.Alsakernes, Kvinnherad
Kameraet til Statens vegvesen viser føreforhalda på fylkesveg 40 til Åkra og delar av den fagre, vesle bygda. Du ser òg delar av Åkrafjorden på biletet, og kva temperatur det er.Sjøsio, Fitjar
Kameraet viser utsikt frå handlehuset Odd Larsen. Nærmast ligg gjestehamna, som har gratis trådlaust breiband. I bakgrunnen til høgre ligg Fitjar Mek. Verkstad. Mot venstre ligg Fonno, ein av dei største av dei kring 300 øyane i kommunen.
Fjellhaugen, Kvinnherad
Kameraet viser Fjellhaugen Skisenter i Kvinnherad. Skisenteret står ved terskelen til store turområde som strekkjer seg heilt inn til den sørlege delen av Folgefonna. Fjellhaugen Skisenter har fem kilometer lysløype vanlegvis preparert både for klassisk og skøyting, i tillegg til skitrekk.
Hollundsdalen, Bømlo
Kameraet viser utsikt frå Finnås kraftlag. Hollundsdalen ligg i nærleiken av Svortland, og er eit næringsområde med nokre butikkar, byggjevareutsal og fleire høgteknologiske bedrifter.Tjødnalio, Stord
Utsyn mot Tjødnalio, ein av to skulekrinsar rundt den nest største tettstaden i Sunnhordland, Sagvåg. I bakgrunnen til venstre ligg Utslettefjellet, medan Kattnakken ligg til høgre. Sagvåg har kring 4000 innbyggjarar og ei flott båthamn og ei rad butikkar i sentrum.