Håp i ein drope vatn

Vatn – reint vatn, vatn til å drikka, vatn til å vaska seg i, laga mat i og av, og vatn til å vatna det ein dyrkar. Sjølvsagt for oss som har mykje vatn. Men slik er det ikkje for alle.

Eg har vore med på å laga klar bøssene som konfirmantane i Stord og Nysæter skal bera rundt til husstandane på Stord for å samla inn pengar til dei som ikkje har tilgang på reint vatn.

I fjor samla konfirmantane inn pengar til vatn i jordskjelvråka Syria og Afghanistan. Dei samla då inn pengar til mat og reint vatn til flaumråka Malawi. Dei innsamla pengane gjekk også til mat og teppe til folk i Gaza og Ukraina.

Kirkens Nødhjelp er der mange andre organisasjonar også er for å hjelpa.

Konfirmantane er med på å gjere ein skilnad for dei som lid. Deira engasjement gjev «Håp i ein drope vatn». Vatn gjev håp og store ringverknader. Reint vatn gjer at folk kan halda seg friske og dyrka sin eigen mat. Eg oppfordrar folk på Stord til å ta godt imot konfirmantane.