Som Sunnhordland skreiv tidlegare torsdag er det venta svært kraftige vindkast i regionen fredag ettermiddag. Klokka 13.00 sendte Meteorologisk institutt ut oransje farevarsel for Sunnhordland og deler av Rogaland.
Det er venta lokalt svært kraftige vindkast på 35–40 m/s frå nordvesrt. Vinden aukar først i sør.
– Fest alle lause gjenstandar. Unngå ferdsel på utsette stader. Rekn ekstra tid til transport og køyring. Vurder om reisa er nødvendig, står det i farevarselet.
Der går det også fram at gjenstandar kan bli tatt av vinden eller blåsa over.
– Fare for skade på bygningar og infrastruktur. Kansellerte avgangar for ferje, fly eller annan transport er forventa. Bruer kan bli stengde. Mange reiser vil kunne få lenger reisetid. Straumforsyninga vil bli påverket, for eksempel som følgje av tre som knekk eller kjem i kontakt med straumnettet, står det i varselet.
Faren aukar klokka 14.00 fredag. Vinden skal løya klokka 19.00 om kvelden.
Det er sendt ut fem farevarsel om vindkast for fleire område i Sør-Noreg. Sjå farevarsel for heile landet her.