Optimisme i næringslivet på Stord
Halvparten av medlemmene i Stord næringsråd meiner omsetninga vil auka i 2024.
Ingen av medlemmene trur at arbeidsstokken skal reduserast, tvert imot svarer alle at arbeidsstokken vil auka opp mot 25 prosent.
44,4 prosent av medlemmene reknar med at det økonomiske resultatet for 2024 vil verta betre enn i 2023.
– Sjølv om mykje ser lyst ut, svarer verksemdene at det er nokre skyer på horisonten, seier dagleg leiar Torbjørn Brosvik i næringsrådet.
Det stigande rentenivået er ei utfordring både for verksemdene direkte, men òg indirekte ved at kundar gjerne ikkje tek seg råd til like mykje som elles, viser undersøkinga.
God tilgang på rett kompetanse er òg noko som vert løfta fram av lokale verksemder i undersøkinga.
78 prosent av verksemdene meiner Hordfast er det viktigaste samferdsleprosjektet for næringsliv på Stord.
Medlemsundersøkinga er utført av Stord næringsråd i samarbeid med Bergen næringsråd og Næringsalliansen Vestland.