Maria fekk måla seg til ein tiger
Maria Anna Gromowska (3) får tiger-ansiktsmåling av Sofie Lyngstadås Milling i Norsk Folkehjelp Sunnhordland.
Om lag 100 møtte opp den første timen av den opne aktivitetsdagen som føregjekk torsdag ettermiddag i Gropo ved Stord kulturhus. 81 fekk også med seg gratis kino med «Kung Fu Panda 4».
Ungdomsleiar Ammar Younis (17) og nestleiar Mustafa Bathatho (14) i Norsk Folkehjelp Sunnhordland fekk skryt av Marlene Nyborg Veivåg frå Stord politistasjon som fekk auge på den fine ballongoppsatsen deira.
Renal Mammon Al-Ghazali (12) kastar petanque saman med søstera Retag (13) og venninne Sara Abu Khater (12). – Det var litt vanskeleg, men me fekk det til, seier Renal. Per Johannesen i Stord petanqueklubb til venstre.
Aksel Dreyer Ur og William Nygård Ormseth i AW0 skal halda konsert på aktivitetsdagen. – Det er kjekt å få vera med på å skapa liv i Leirvik, seier Dreyer Ur.
Giannina Osuna i Stord frivilligsentral var kjempenøgd med at folk også nytta høvet til å stikka innom Bua. – Ein del folk har komme innom for å kika her i dag, smiler ho.
– Me samarbeider med kulturhuset, Stord frivilligsentral Bua og Stord petanqueklubb, seier Susan Abdallah i Norsk Folkehjelp Sunnhordland. Veronica Ivanov (f.v.), Liv Gunn Vårdal-Møll, Susan Abdallah og Karoline Mehammer.