Ein heil kveld med latter og moro
Kirsten Rommetveit er ein kjend frisør i Leirvik, og har vore med på alle standup-førestillingane på Åtgaum. – Komikarane er så morosame, og dei har god kontakt med publikum, seier ho. Martin Hamre synest også showet er heilt topp.
Roar Brekke er ein godt førebudd konferansier, og vende seg til fleire i lokalet med anekdotar og påfølgjande latterkuler.
Ørjan Stokka (t.h) - inntektskongen blant eigedomsmeklarane på Stord - er på show med Per Ove Langeland og familien. – Det er så kjekt, me slappar av, drikk litt øl og er i godt selskap, smiler Stokka.
– Lokalet er akkurat passe stort for standup, seier Merete Nørgaard (t.v.) som har fått med seg nesten alle framsyningane. Venninne Hege Robberstad er også med.
Fylkesnes Bil-sjef Roald Almås fekk også høyra det frå standup-komikaren. – Åtgaum er vel den einaste staden han ikkje eig her på Leirvik, sa Brekke til stor latter frå Almås og resten av lokalet.
Roar Brekke fleipar med alt og alle, her er det vert Anders Skaar Hansen i Åtgaum som står i døra, som det blir fleipa med.
Arild Viste frå Bergen spøkte om Haugesund, kryptiske ultralyd-bilete, hundar og menn med hårete ryggar. Harald Ellingsen og Tore Medhaug var også standup-artistar på Åtgaum denne kvelden.
Stemninga var heilt på topp under det niande standup-showet sidan i fjor haust i kulturbaren Åtgaum.