STANSA: Ein lastebil vart natt til onsdag stansa av politiet på E39. Då skal bilistar har reagert på køyringa. FOTO: Henrik Mundal Andreassen/Arkiv

Lastebilsjåfør fekk åtvaring av politiet

Skal ha køyrt som eit svin på E39 på Stord. Unnskylda seg med at han skulle levera varer.

Klokka 04.32 onsdag morgon fekk politiet melding om at ein lastebil, på veg sørover frå ferjekaien på Sandvikvåg, køyrde svært fort. Meldar køyrde bak lastebilen.

– Meldinga gjekk på uvitig køyring, og køyring i feil køyrebane. Dette fekk me fortløpande meldingar om etter kvart som lastebilen var på veg sørover, seier vaktsjef ved Haugesund politistasjon, Britt Jorunn Løvereide, til Sunnhordland.

Klokka 04.43 vart lastebilen stansa av ein politipatrulje på E39.

– Sjåføren innrømma at han kanskje hadde køyrt litt fort, men unnskylda seg med at han hadde dårleg tid, og skulle levera varer, seier vaktleiaren.

Politiet hadde ifølgje Løvereide ikkje grunnlag til å gjera meir med sjåføren anna enn å gje han ei munnleg åtvaring.

Politipatruljen skal ikkje ha observert køyring som kan ha vore straffbar.