VURDERER FORBOD: Kultur- og likestillingsminister Trine Skei Grande (V) står i bresjen for eit mogeleg forbod mot konverteringsterapi. Her frå Handballfestivalen 2019 på Stord. Foto: Ingvild Eide

Regjeringa vil greia ut forbod mot homoterapi

Regjeringa har varsla Stortinget om at dei set i gang ei utgreiing av eit forbod mot såkalla konverteringsterapi.

Nyheita kjem i ei pressemelding frå Høgres stortingsgruppe fredag.

Kultur- og likestillingsminister Trine Skei Grande (V) skriv i eit brev til Stortinget at ho vil setja i gang «ei utgreiing om korleis praksis som har til formål å endra den seksuelle orienteringa til personar eller kjønnsidentitet steller seg til nasjonal lovgiving og menneskerettar, medrekna diskrimineringsvern og trusfridom».

Les også
Kim Friele har kjempa for homofile i 56 år

– Eg og Høgres stortingsgruppe er svært glade for at me no greier ut eit forbod mot ein praksis som skadar og traumatiserer menneske i ein allereie vanskeleg situasjon, seier Kristin Ørmen Johnsen, komitéleiar for familie- og kulturkomiteen for Høgre på Stortinget.

Les også
«Eg angrar på at eg ikkje kom ut før. Då hadde eg kanskje hatt eit mykje betre liv. Kven veit?»

KrF-leiar og barne- og familieminister Kjell Ingolf Ropstad har tidlegare uttalt at han ikkje ser behovet for ei slik utgreiing.

(©NPK)