Elevar arrangerte solidaritetskonsert
Natalie Stenersen og Johanne Hystad Kyvik framførte «Just the two of us» av Bill Withers med fleire.
– Pengane som ein samlar inn kjem godt med i Comalapa, og støtter opp om både demokrati og fred, seier spansklærar Ingunn Hansejordet, som fortalde om solidaritetsdagen.
Tuva Sundal og Leah Marie Gram Nygaard spelte eit humoristisk stykke om eit ferskt kjærastepar frå Tysnes og Stord. Det passa fint på valentinsdagen.
Eva Tesdal selde muffins, bollar og saft i kafeen utanfor konsertsalen. – Spesielt bollar og brownies har det gått mykje av, seier ho.
Lee Ness Edvardsen framførte Elvis-låten «Can't help falling in love».
Rasmus Kaldestad framførte ein forrykande gitarsolo under Prince-songen «Purple Rain». Kaldestad spelte ikkje berre på gitar, men også lapsteel.
Ole Knut Urdal og Elliot Sönnerlid i programkomiteen er kjempenøgd med at om lag 60-70 personar kom på kvar av dei to konsertane. – Heile klassen har jobba saman, seier Sönnerlid.
Eit tjuetals elevar frå 1.-klasse musikk på Stord vidaregåande skule framførte to konsertar med innsamling av studiestipend for Comalapa.
Anders H. Kyvik var på konsert med Malene Auestad og Solveig Hystad og familien. – Dette var kjekt, seier Kyvik, som fortel at søstera hans Johanne Hystad Kyvik var på senen.