Svært mange har engasjert seg i saka om sykkelen til Narin (16) på Stord. Spesialsykkelen med tre hjul og motor skulle vera lett å kjenna igjen. Sykkelen blei stolen i Jens Hystadvegen i Leirvik sentrum fredag ettermiddag.
Sunnhordland omtalte tjuveriet i helga, og innlegget på Facebook har blitt delt nærmare 200 gonger på Facebook. Måndag formiddag etterlyste Sørvest politidistrikt tips i saka.
Nyhendet har også nådd Sandnes. Lokalavisa Sandnesposten drog kjensel på ein sykkel i sentrum av byen. Ved første augekast såg han identisk ut som Narin på Stord sin.
Sykkelen til Narin (16) vart stolen – no ønskjer familien hjelp
Lokalavisa tok kontakt med Sevinc Tunali, mora til Narin, i håp om at dette kunne vera rette sykkel.
– Sykkelen vår har eitt kjennemerke, og det er at den eine seteputa manglar, seier Tunali på telefon til Sandnesposten.
Utruleg nok mangla høgre setepute på sykkelen som blei funnen i Sandnes. Men då Tunali får sjå biletet av sykkelen, forsvinn håpet om at mysteriet er løyst.
– Sykkelen vår har ikkje spegel. Dette må vera ein annan, konkluderer mora.
Har du sett sykkelen til Narin kan du kontakta politiet.